فوتو: باياناۋىل ۇلتتىق پاركى
- اققۋلاردى ءبىزدىڭ مەكەمەنىڭ ينسپەكتورلارى بايقاعان. اسىرەسە, دالبا ورمانشىلىعىنىڭ كۇركەلى اۋىلدىق وكرۋگى اۋماعىندا سىبىرلاق اققۋلاردىڭ جىلداعىدان كوپتىگى بايقالادى. سىبىرلاق اققۋلار ەلىمىزدە كەڭ تاراعان, كوبىنە قالىڭ قامىستى-قوعالى ءىرى كولدەرىن مەكەندەيدى. ءبىزدىڭ باياناۋىل جەرىندە قىزىل كىتاپقا ەنگەن قيقىلداق اققۋ دا كەزدەسەدى. جالپى ۇلتتىق پارك اۋماعىندا قاۋىرسىن قاناتتىلاردىڭ 205 ءتۇرى بار بولسا, سونىڭ 9-ى قىزىل كىتاپقا ەنگەن, - دەيدى پارك باسشىسى.
ورنيتولوگتاردىڭ ايتۋىنشا, سىبىرلاق اققۋدىڭ (Cygnus olor) تۇرقى ىرىلەۋ, سالماعى 14 كەلىگە دەيىن بولادى. ءتۇسى اق, تۇمسىعى – قىزىل, ونىڭ ۇستىندە قارا شور بايقالادى. جاس قۇستار قوڭىر-سۇر ءتۇستى. جۇزگەندە موينىن لاتىننىڭ S ءارپى تۇرىندە ءيىپ ۇستايدى. ۇشىپ بارا جاتقاندا الىستان قاناتتارىنىڭ ىرعاقتى سۋسىلداعان دىبىسى ەستىلەدى. وسى ەرەكشەلىگى ارقىلى سۇڭقىلداق اققۋدان ەرەكشەلەنەدى ءارى سوڭعىسىنىڭ تۇمسىعى سارى-قارا, شور بولمايدى.
پاۆلودار وبلىسى
