الداعى ۋاقىتتا اقتوبە وبلىسىنىڭ بايعانين, ىرعىز, شالقار اۋداندارىندا تۇراتىن 600 مۇگەدەكتىگى بار بالا وسى ورتالىقتا تەگىن ەمدەلىپ, وڭالتۋ-ساۋىقتىرۋ شارالارىنان وتەدى.
اقتوبە وبلىسى اكىمدىگىنىڭ قولداۋىمەن عيمارات بەرىلىپ, بالالاردىڭ ءجۇرىپ-تۇرۋىنا كەدەرگى كەلتىرمەيتىن جايلىلىق پەن ىڭعايلىلىق جاعدايىندا, بىرىڭعاي ديزاين ۇلگىسىندە كۇردەلى جوندەۋ جۇمىستارى جۇرگىزىلدى. سونداي-اق «قازاقستان حالقىنا» قورى 181,2 ملن تەڭگەگە وڭالتۋعا ارنالعان قۇرال-جابدىقتار سىيلادى.
ەمدەلۋگە كەلگەندەر ءۇشىن Ottobock ۆەرتيكاليزاتورلارى, Rifton جۇيەلەرى, ۆەلوترەناجەرلەر, Tyrostation جاتتىقتىرعىشتارى, «اتلانت» پنەۆموكوستيۋمدەرى جانە بىرنەشە جاتتىعۋ كەشەندەرى ساتىپ الىندى. بۇدان وزگە سەنسورلىق بولمە, تۇز شاحتاسى, شۋنگيت بولمەسى, سۋمەن ەمدەۋگە لايىقتالعان يممەرسيوندى ۆاننا دا بار. مۇگەدەكتىگى بار بالالاردى ەمەدۋ-ساۋىقتىرۋمەن اينالىساتىن جۇيكە جۇيەسى اۋرۋلارىن ەمدەيتىن دارىگەرلەر, وڭالتۋشى, لوگوپەد-دەفەكتولوگ, پسيحولوگ جانە ەمدىك دەنەشىنىقتىرۋ نۇسقاۋشىسى, ەرگوتەراپەۆت ارنايى بىلىكتىلىك كۋرستارىنان ءوتتى.
اقتوبە وبلىسى.
