فوتو: ۇكىمەتتىڭ ءباسپاسوز قىزمەتى
ايتا كەتەيىك, زيانكەستەرمەن كۇرەسۋگە رەسپۋبليكالىق بيۋدجەتتەن 7,1 ملرد تەڭگە بولىنگەن. جۇمىسقا 443 بىرلىك بۇرىككىش تەحنيكاسى مەن 4 625 مامان جۇمىلدىرعان.
ءمينيستردىڭ مالىمەتىنشە, 12 مامىرداعى جاعداي بويىنشا جامبىل جانە تۇركىستان وبلىستارىندا شەگىرتكە زيانكەستەرى دەرناسىلدەرىنىڭ تارالۋى بايقالادى. 1 388,9 مىڭ گەكتار جەر زەرتتەلگەن ونىڭ 396,6 مىڭ گەكتارى وڭدەۋگە جاتادى. جالپى 390,8 مىڭ گا, ونىڭ ىشىندە جامبىل وبلىسىندا – 27,8 مىڭ گا, تۇركىستان وبلىسىندا – 363,8 مىڭ گا وڭدەلگەن.
ولجاس بەكتەنوۆ قاجەتتى قورعاۋ شارالارىن جۇرگىزۋدى قامتاماسىز ەتۋدى جانە ۆەدومستۆو مەن وڭىرلەر اراسىنداعى ءوزارا ءىس-قيمىلدى كۇشەيتۋدى تاپسىردى.
«ايداربەك سەيپىل ۇلى, وڭىرلەردىڭ اكىمدەرىمەن بىرلەسىپ, زيانكەستەرگە قارسى ساپالى مونيتورينگتى, پروفيلاكتيكالىق جانە قورعاۋ شارالارىن جۇرگىزۋدى قامتاماسىز ەتۋ كەرەك. شەگىرتكەنىڭ تارالۋ بولجامدارىن ۇنەمى جاڭارتىپ وتىرىپ, جەدەل شارالار قابىلداۋ ءۇشىن ۆەدومستۆوارالىق ۇيلەستىرۋدى كۇشەيتۋ قاجەت. قازىرگى ساتتە تۇركىستان جانە جامبىل وبلىستارىندا شەگىرتكەمەن كۇرەسكە ەرەكشە نازار اۋدارىڭىز», دەدى پرەمەر-مينيستر.
