فوتو: اۋىل شارۋاشىلىعى مينيسترلىگى
بىلتىر 106,4 مىڭ گەكتاردى قۇراعان, گەكتارىنا 28,3 تسەنتنەر ءونىم الىنىپ, ناتيجەسىندە 301,7 مىڭ توننا ماقتا شيكىزاتى جينالعان. ال, بيىل زاماناۋي تەحنولوگيالاردى قولدانۋ ەسەبىنەن ەگىس كولەمىن 135,2 مىڭ گەكتارعا دەيىن ۇلعايتۋ جوسپاردا تۇر.
تامشىلاتىپ سۋارۋ تەحنولوگياسى قولدانىلاتىن القاپ كولەمىن 50 مىڭ گەكتارعا دەيىن ۇلعايتىپ, ءداستۇرلى تاسىلمەن ەگىلەتىن ەگىستىك كولەمىن 19,3 مىڭ گەكتارعا ازايتۋ كوزدەلىپ وتىر.
اۋىل شارۋاشىلىعى مينيسترلىگىنىڭ ءباسپاسوز قىزمەتىنىڭ مالىمدەۋىنشە, مەملەكەت تاراپىنان ماقتا وندىرۋشىلەرگە كەشەندى قولداۋ كورسەتىلىپ جاتىر. اتاپ ايتقاندا: ماقتا ءوسىرۋدىڭ تولىق تسيكلىنە سۋبسيديا بەرىلەدى; مينەرالدى تىڭايتقىشتار قۇنىنىڭ 60%-نا دەيىن; پەستيتسيدتەردىڭ 50%-نا دەيىن; بيولوگيالىق اگەنتتەر مەن بيوپرەپاراتتاردىڭ 40%-نا دەيىن; تۇپنۇسقا جانە ەليتالىق تۇقىم ساتىپ الۋعا 70%-نا دەيىن; ماقتا تۇقىمىنا – 100% كولەمدە (باسقا داقىلدار ءۇشىن 15–50%); سۋارمالى سۋ جەتكىزۋ شىعىندارىن وتەۋ – تەحنولوگيا تۇرىنە بايلانىستى 50–85%; سونداي-اق ينۆەستيتسيالىق سۋبسيديالار قاراستىرىلعان.
قازاقستان جىل سايىن 300 مىڭ توننادان استام ماقتا شيكىزاتىن جانە 70–75 مىڭ توننا ماقتا تالشىعىن ءوندىرىپ, ءونىمنىڭ 85%-ى لاتۆيا, تۇركيا, رەسەي, قىتاي جانە وزگە ەلدەرگە ەكسپورتتالادى. الايدا, قوسىلعان قۇندى ارتتىرۋ جانە سىرتقى نارىققا تاۋەلدىلىكتى ازايتۋ ءۇشىن تەرەڭ وڭدەۋدى دامىتۋ باستى نازارعا الىنىپ وتىر.
ماقتا سالاسىن دامىتۋ جونىندەگى جول كارتاسى جانە ماقتا-توقىما كلاستەرىن قولداۋ شەڭبەرىندە وبلىستا «تۇركىستان ماقتا اگروونەركاسىپتىك كەشەنى» جشس مەن «تۇركىستان الەۋمەتتىك-كاسىپكەرلىك كورپوراتسياسى» اق-نىڭ قاتىسۋىمەن ءىرى ينۆەستيتسيالىق جوبا ىسكە اسىرىلىپ جاتىر.
جوبانىڭ جالپى قۇنى – 146,8 ملرد تەڭگە, ونىڭ شەڭبەرىندە 50 مىڭ گەكتار ەگىستىك يگەرىلىپ, سونىڭ 32 مىڭ گەكتارى بيىل تامشىلاتىپ سۋارىلاتىن بولادى. 4 مىڭنان استام جۇمىس ورنى اشۋ كوزدەلگەن.
