فوتو: ۇكىمەتتىڭ ءباسپاسوز قىزمەتى
ساۋدا, اۋىل شارۋاشىلىعى, كولىك جانە لوگيستيكا, ازاماتتىق اۆياتسيا, تۋريزم سالاسىنداعى ءوزارا ءىس-قيمىلدى كەڭەيتۋ, تسيفرلىق قىزمەتتەر ەنگىزۋ جانە جي ينتەگراتسياسى بويىنشا وزىق تاجىريبە الماسۋ پەرسپەكتيۆالارى قارالدى.
جوعارى دەڭگەيدە قول جەتكىزىلگەن تاۋار اينالىمىن $2 ملرد-قا دەيىن ارتتىرۋ جونىندەگى ۋاعدالاستىقتار شەڭبەرىندە قازاقستاننىڭ 35 تاۋار اتالىمى بويىنشا ۆەتنام نارىعىنا جەتكىزۋ كولەمىن ۇلعايتۋعا دايىندىعى اتاپ ءوتىلدى. ولاردىڭ ىشىندە مۇناي-حيميا, مەتاللۋرگيا, حيميا, ماشينا جاساۋ, تاماق ونەركاسىبى جانە باسقا دا ونىمدەر بار.
اۋىل شارۋاشىلىعى سالاسىندا وڭ سەرپىن بەلگىلەندى. وتكەن جىلدىڭ قورىتىندىسىنا سايكەس, قازاقستان مەن ۆەتنامنىڭ اوك ونىمدەرى بويىنشا ساۋدا كولەمى 3,5%-عا, قازاقستاندىق اۋىل شارۋاشىلىعى ونىمدەرىن جەتكىزۋ 15 ەسەگە ءوستى. سونداي-اق اۋىل شارۋاشىلىعىنىڭ ونىمدىلىگىن ارتتىرۋعا باعىتتالعان زاماناۋي اگروتەحنولوگيالاردى ەنگىزۋ ءۇشىن عىلىم سالاسىندا تاجىريبە الماسۋ كەلەشەگى زور باعىت سانالادى.
كولىك-لوگيستيكا سالاسىندا ترانسكاسپي حالىقارالىق كولىك باعىتىن دامىتۋ اياسىنداعى ءوزارا ءىس-قيمىلعا نازار اۋدارىلدى. ورتا ءدالىز ۆەتنامنان جۇكتەردى جەتكىزۋ مەرزىمىن قىسقارتۋعا مۇمكىندىك بەرەدى, بۇل ءوزارا ساۋدانى ساپالى جاڭا دەڭگەيگە شىعارادى.
كەلىسسوزدەر قورىتىندىسى بويىنشا تاراپتار قازاقستان مەن ۆەتنام اراسىنداعى ەكىجاقتى ساۋدا-ەكونوميكالىق ىنتىماقتاستىقتى نىعايتۋ ءۇشىن بارلىق كۇش-جىگەردى جۇمساۋعا نيەتتى ەكەندەرىن ءبىلدىردى.
