فوتو: اشىق دەرەككوزدەن
بارلىق كەزەكتە تۇرعان ازاماتتار مەن جاڭا وتىنىشتەر «وتباسى بانك» باسقاراتىن «تۇرعىن ۇيمەن قامتاماسىز ەتۋ ورتالىعى» ەلەكتروندى جۇيەسىنە كوشىرىلىپ, بىرىڭعاي بازا جاساقتالادى.
«وتباسى بانك» مالىمەتىنشە, قازىر 657 422 ادام ءۇي كەزەگىندە تۇر. بۇعان دەيىن 7 ساناتقا كىرەتىن توپتار ءۇي كەزەگىنە تۇرۋعا مۇمكىندىك العان بولسا, 24 مامىردان بۇل شەكتەۋلەر الىنىپ تاستالادى.
جاڭا جۇيە ازاماتتىڭ اتىنا تىركەلگەن تۇرعىن ءۇيدىڭ بار-جوعىن اۆتوماتتى تۇردە تەكسەرەدى. سونداي-اق وتباسىلىق جاعدايى مەن مارتەبەسىن ساراپتايدى. باستىسى بۇل اركەتتەر ادامي فاكتوردىڭ ارالاسۋىنسىز جۇزەگە اسىرىلادى.
بىرىڭعاي بازا تۇرعىن ءۇيدى ءبولۋدى جۇيەلى جانە ءادىل ەتەدى.
دەسە دە تۇرعىن ءۇيدىڭ باسىم 70% مىنا ساناتتارعا بەرىلەدى:
- ۇوس ارداگەرلەرى مەن ولارعا تەڭەستىرىلگەندەر;
- جەتىم بالالار;
- كوپبالالى وتباسىلار;
- مۇمكىندىگى شەكتەۋلى بالالارى بار وتباسىلار;
- I جانە II توپتاعى مۇگەدەكتەر;
- ايەلى قايتىس بولعان ەركەكتەر جانە جەسىرلەر.
قالعان 30% تۇرعىن ءۇي مىنا ساناتتارعا ۇلەستىرىلەدى:
- مەملەكەتتىك قىزمەتشىلەر;
- بيۋدجەتتىك سالا قىزمەتكەرلەرى;
- اسكەري قىزمەتشىلەر;
- قانداستار;
- اۋىر دەرتكە شالدىققان ازاماتتار.
باستى كريتەري رەتىندە ازاماتتىڭ كەزەككە تۇرعان كۇنى مەن جىلى ەسكەرىلەدى.
كەزەك تەك ونلاين جۇرگىزىلەدى – kezekte.kz ارقىلى جۇرگىزىلەدى.
تىركەۋىڭىز ءوتىنىش بەرەتىن قالادا كەمىندە 3 جىل بولۋى كەرەك. اپاتتى ۇيدە تۇرساڭىز تەحنيكالىق قورىتىندىنى قوسا تىركەۋ قاجەت.
