فوتو: energyprom.kz
«قايتا جاڭعىرتۋ جانە جاڭا جوبالار ەسەبىنەن 2030 جىلعا دەيىن جالپى تىڭايتقىشتار كولەمى 4 ملن تونناعا دەيىن ۇلعايتىلادى», دەدى مينيستر
ونىڭ ايتۋىنشا, كارباميد, كالي ءحلوريدى جانە ديكالتسيفوسفات سياقتى جاڭا تىڭايتقىشتار تۇرلەرىن ءوندىرۋ دە جوسپارلانىپ وتىر.
سونداي-اق, ەرسايىن ناعاسپاەۆ حيميا سالاسىن دامىتۋدىڭ باسىم باعىتتارىنىڭ ءبىرى – كومىر حيمياسىن جۇيەلى پىسىقتاۋدىڭ باستالعانى تۋرالى حابارلادى.
«ەلىمىزدىڭ اۋقىمدى كومىر قورلارىن ەسكەرە وتىرىپ, بۇل باعىتتا دامۋ – شيكىزاتتىق مودەلدەن باس تارتۋ جانە قوسىلعان قۇندى ايتارلىقتاي ارتتىرۋدىڭ نەگىزگى جولى. وسى ماسەلە بويىنشا ءوندىرىسى جوعارى دامىعان قىتايلىق ينۆەستورلارمەن, اتاپ ايتقاندا CHN Energy جانە East China Engineering and Technology سياقتى ءىرى كومپانيالارمەن جۇمىستار جۇرگىزىلىپ جاتىر», دەدى مينيستر.
سونىمەن قاتار, مينيستر كومىر-حيمياسىن دامىتۋدىڭ جول كارتاسى ازىرلەنىپ, ونىڭ شەڭبەرىندە وتاندىق ءىرى كومىر ءوندىرۋشى كاسىپورىندار مەن عىلىمي ينستيتۋتتار كومىردى تەرەڭ وڭدەۋدىڭ وزىق تەحنولوگيالارىن ەنگىزۋ بويىنشا جۇمىس جۇرگىزىپ جاقانىن جەتكىزدى.
