ماقساتى اسقازان-ىشەك جولدارىنىڭ اۋىر اۋرۋلارى بار بالالارعا كومەكتەسۋ.
شەبەرلىك ساعاتى بارىسىندا باس ساراپشى رەسەيدىڭ جەتەكشى بالالار حيرۋرگى, پروفەسسور يگور كيرگيزوۆتىڭ باسشىلىعىمەن كۇردەلى لاپاروسكوپيالىق جانە بەينە اسسيستيرلەندىرىلگەن وتالار جاسالدى. پروتسەستى قازاقستاننىڭ ءارتۇرلى وڭىرلەرىنەن, ونىڭ ىشىندە استانا مەن پەتروپاۆلدان كەلگەن 25 حيرۋرگ, سونداي-اق قاراعاندى وبلىسىنىڭ 37 پەدياترى مەن گاستروەنتەرولوگى قاداعالادى.
وقىتۋ ءىس-شاراسىنىڭ شەڭبەرىندە جاسالعان 11 وتانىڭ بارلىعى ءساتتى ءوتتى. بۇدان بولەك تاعى 18 بالا تەگىن كونسۋلتاتسيا الدى.
وتا جاسالعان داۆيد ەسىمدى بالانىڭ اناسى ۇلىنىڭ دۇنيەگە انۋسسىز كەلگەنىن, بالانى شەتەلدە ەمدەتۋگە قاراجاتى بولماعانىن تىلگە تيەك ەتتى. ونىڭ ايتۋىنشا, پروفەسسور كيرگيزوۆتىڭ ءوزى كەلىپ وتا جاساعانى ماڭىزدى شەشىم بولدى.
ەندى قازاقستاندىق دارىگەرلەر دە وسىنداي وتالاردى ءوز بەتىنشە جۇرگىزەتىن بولادى.
