مەرەكەلىك جارىستىڭ اشىلۋ سالتاناتىتاڭەرتەڭ توبىل جاعالاۋىنداعى الاڭدا ءوتتى. ءىس-شارا بارىسىندا اۋەلى مەملەكەتتىك گيمن ورىندالدى. ودان كەيىن وبلىستىق قوعامدىق دامۋ باسقارماسى باسشىسىنىڭ مىندەتىن اتقارۋشى دينارا قارىمساقوۆا كوپشىلىككە قۇتتىقتاۋ ءسوزىن ارنادى.
«بۇگىنگى ءىس شارانىڭ ەرەشكە ءمانى بار. بۇگىن ءبىز ءبىر حالىق, ءبىر كوماندا بولىپ بەيبىتشىلىكءتىڭ, كەلىسىم مەن ءوزارا ىنتىماقتاستىقتىڭ جولىمەن جۇگىرىپ وتەمىز. بۇل, اسىرەسە, ءبىزدىڭ قوستاناي وبلىسىندا ەرەكشە ماڭىزعا يە. ءبىزدىڭ وڭىردەتاتۋلىق پەن دوستىقتى تۋ ەتكەن 50-دەن استام ەتنوس وكىلدەرى ءومىر ءسۇرءىپ جاتىر. اسسامبلەيا وتىز جىل بويى ءبىرلىك پەن كەلىسىمدى نىعايتۋعا زور ۇلەس قوسىپ كەلەدى. بۇگىنگى ءىس-شارا – وسىنىڭ جارقىن دالەلى. مۇندا ءتۇرلى ەتنومادەني بىرلەستىكتەردىڭ وكىلدەرى, جاستار, سپورتشىلار مەن قالا تۇرعىندارى جينالدى. بارشامىزدى بىرىكتىرەتىن ورتاق دۇنيە بار. ول – وتانعا دەگەن ماحاببات, ءبىر-بىرىمىزگە دەگەن قۇرمەت, ىنىتماق-بىرلىككە دەگەن ۇمتىلىس», دەدى دينارا قارىمساقوۆا.
قۇتتىقتاۋ لەبىزىن ودان ءارى قحا مۇشەسى, سپورت ارداگەرى قالقامان جاقىپ جالعادى. ودان كەيىن تورەشى قۇرماناي ەسىركەپوۆ جينالعاندارعا جارىستىڭ باعدارلاماسى مەن ەرەجەسى ءتۇسىندىرىپ ءوتتى.
جارىس بارىسىندا ينكليۋزيۆتى سپورتشىلار 500 مەترگە, جاسوسپىرىمدەر 1,1 كم, 16 جاستان اسقانسپورتشىلار 8 شاقىرىم قاشىقتىققا جۇگىردى.
«بىرلىك جۇگىرىسى» تەك قوستانايدا عانا ەمەس, سونداي-اق رۋدنىي, توبىل, جىتىقارا, ليساكوۆ, ارقالىق قالالارى مەن بارلىق اۋدان ورتالىقتارىندا وتكەنىن ايتا كەتكەن ءجون.
ۇيىمداستىرۋشىلاردىڭ ايتۋىنشا, مۇنداي ءىس-شارالاردى ەلدىڭ ءبىرلىگىن نىعايتىپ, ىنتىماعى جاراسقان جۇرتتى جاڭا جەتىستىكتەرگە جەتەلەيتىن يگىداستۇرگە اينالدىرۋ ماڭىزدى.
