جاڭا راديو 1999 جىلدان بەرى تىڭدارمانعا جاقسى تانىس «استانا» راديوسىنىڭ بازاسىندا قۇرىلدى جانە 101.4 FM جيىلىگىندە حابار تاراتۋدى جالعاستىرادى.
«Jibek Joly» − ەڭ تالعامپاز اۋديتورياعا ارنالعان مۋزىكا مەن ەركىن سۇحبات, وزەكتى كونتەنت الاڭى بولماق. راديو جاڭا تالانتتاردى تانىستىرىپ, قازاقستاننىڭ زاماناۋي مۋزىكاسىن ىلگەرىلەتۋ فورماتتارىن ەنگىزەدى.
جاس مۋزىكانتتاردىڭ, ستەنداپ-كوميكتەردىڭ, بلوگەرلەر مەن مەدياتۇلعالاردىڭ قاتىسۋىمەن جاڭا شوۋلار ۇسىنىلادى. ال «Jibek Joly» ءان فەستيۆالىندە قازاقستاننىڭ جاڭا مۋزىكالىق بۋىن وكىلدەرى تىڭدارمانىن قۋانتا تۇسپەك. ولاردىڭ اندەرى راديونىڭ بىرەگەي اۆتورلىق پلەيليسىنە قوسىلادى.
سونىمەن بىرگە, «Jibek Joly» راديوسى حابار تاراتۋ اياسىن كەڭەيتە ءتۇسىپ, ورتالىق ازيا ەلدەرىنىڭ تانىمال ورىنداۋشىلارىمەن كوللابوراتسيا جاساۋدى كوزدەيدى. راديو ترانسشەكارالىق مۋزىكالىق جوبالاردى ىسكە قوسۋ, مادەني باستامالاردى بىرىكتىرۋ جانە ءوڭىردىڭ ءبىرتۇتاس مەدياكەڭىستىگىن نىعايتۋ سياقتى ءورشىل ماقساتتار قويىپ وتىر.
راديو 7:00-دەن 01:00-گە دەيىن جۇمىس ىستەيدى. كۇن سايىن ساعات 7:00-دە جاسۇلان ايساعالي مەن ديلبار جۇمەكەنوۆا تىكەلەي ەفيردە «تاڭعى ەسپرەسسو» شوۋىن وتكىزەدى. راديونىڭ باس رەداكتورى بەكنۇر نۇرماعانبەت پەن جۇرگىزۋشى قىرمىزى جاندوسوۆا «JJ PRIME» كەشكى شوۋىن جۇرگىزەدى. سونداي-اق كۇندەلىكتى 8:00-دەن 20:00-گە دەيىن ءار ساعات سايىن وزەكتى جاڭالىقتار بەرىلىپ وتىرادى.
ەرتەڭ العاشقى مەرەكەلىك تاڭعى ەفيردى قر پرەزيدەنتى تەلەراديوكەشەنى «Jibek Joly» تەلەارناسىنىڭ جۇلدىزدى جۇرگىزۋشىلەرى – ايگۇل مۇكەي مەن ءانۋار كاربوزوۆ جۇرگىزەدى.
