قانداي سالالار قوسىلعان قۇن سالىعىنان بوساتىلادى

قوسىلعان قۇن سالىعى رەفورماسى بويىنشا بiرقاتار شەشiم قابىلداندى. ماسەلەن باستاپقىدا ۇكىمەت ۇسىنعان 20 پايىزدىق مولشەرلەمە 16 پايىزعا دەيىن تومەندەتىلىپ, قوسىلعان قۇن سالىعى بويىنشا مىندەتتى تىركەۋدىڭ شەگى 15 ميلليوننان 40 ميلليون تەڭگەگە دەيىن ۇلعايتىلدى. دارىلىك زاتتار مەن مەديتسينالىق قىزمەتتەرگە قوسىلعان قۇن سالىعىنىڭ تومەندەتىلگەن مولشەرلەمەلەرى 2026 جىلدان باستاپ 5 پايىز جانە 2027 جىلدان باستاپ 10 پايىز بولادى.

تەگىن مەديتسينالىق كومەكتىڭ كەپىلدىك بەرىلگەن كولەمى, مىندەتتى مەديتسينالىق ساقتاندىرۋ, سيرەك كەزدەسەتىن جانە الەۋمەتتىك ماڭىزى بار اۋرۋلاردى ەمدەۋ اياسىنداعى تاۋارلار مەن قىزمەتتەر قوسىلعان قۇن سالىعىن تولەۋدەن بوساتىلادى. الەۋمەتتىك ماڭىزى بار ازىق-ت ۇلىك تاۋارلارى مەن وتاندىق باسىلىمداردى, سونداي-اق باسپا تۇرىندەگى كىتاپتاردى باسىپ شىعارۋ قىزمەتتەرىن ققس تولەۋدەن بوساتۋ جوسپارلانىپ وتىر. اۋىل شارۋاشىلىعى تاۋارىن وندىرۋشىلەردى قولداۋ ماقساتىندا قوسىمشا ەسەپكە جاتقىزۋعا قوسىلعان قۇن سالىعى سوماسى 70 پايىزدان 80 پايىزعا دەيىن ۇلعايتىلدى.

«وڭايلاتىلعان دەكلاراتسيانى رەفورمالاۋ اياسىندا رۇقسات ەتۋشى ءتىزىمىنىڭ ورنىنا تىيىم سالىناتىن ءتىزىمى ەنگىزىلدى. ءماسليحاتتاردىڭ وڭىرلىك ەرەكشەلىكتەرىن ەسكەرە وتىرىپ ±50%-عا دەيىن تۇزەتۋ مۇمكىندىگىمەن 4 پايىزدىق بىرىڭعاي مولشەرلەمە بەلگىلەندى. كاسىپكەرلىك سۋبەكتىلەرى اراسىنداعى وپەراتسيالارعا ارناۋلى سالىق رەجيمىن قولدانۋ كەڭەيتىلدى», دەلىنگەن ءماجىلىس حابارلاماسىندا.

ويىن بيزنەسى مەن بانكتەر ءۇشىن كورپوراتيۆتى تابىس سالىعى مولشەرلەمەسى 25 پايىزعا دەيىن كوبەيتىلدى. ال بانكتەر ءۇشىن كاسىپكەرلىك سۋبەكتىلەرىن نەسيەلەۋدەن تۇسەتىن كىرىستەر بويىنشا مولشەرلەمە 20 پايىز دەڭگەيىندە قالىپ وتىر.

ال جەكە تابىس سالىعىنىڭ پروگرەسسيۆتى شكالاسى ەنگىزىلەدى:

– جالاقى بويىنشا: 8500 اەك-كە دەيىنگى تابىسقا – 10% (جىلىنا 33,5 ملن. تەڭگەگە دەيىن), ودان جوعارى بولسا – 15%;
– ديۆيدەندتەر تۇرىندەگى كىرىستەر ءۇشىن: 230 000 اەك دەيىن – 5% (1 ملرد. تەڭگەگە جۋىق) جانە ودان جوعارى بولسا – 15%;
– رەزيدەنت ەمەس جەكە تۇلعالاردىڭ كىرىستەرى ءۇشىن: 600 000 اەك دەيىن – 10%, ودان جوعارى بولسا – 17%.