نۇرقانات گايپباەۆ ءوزىنىڭ جاۋابىندا وقيعا ورنىندا ەكى ايەل ادامنىڭ بولعانىن ايتىپ وتكەن. ونىڭ سوزىنشە, ولاردىڭ ءبىرى دۇكەننىڭ ەسىگىن سىرتىنان جاۋىپ تۇرعان, ال ەكىنشىسى كولىكتەن پىشاق اكەلىپ, ونى كۇدىكتىلەرگە بەرگەن. سونىمەن قاتار, مارقۇم مىلتىقتى ءوزى اكەلمەگەنىن, وعان قاراي وق اتىلعانىن جانە كەيىننەن قارۋدى كۇدىكتىلەردىڭ قولىنان كورگەنىن مالىمدەگەن.
وسىدان كەيىن سوتتا كۋاگەرلەر رەتىندە تالعات ءاشىرباي مەن ءادىل تىلەۋبەك ۇلى تىڭدالدى. ەكى كۋاگەر دە مارقۇم نۇرقاناتتىڭ قولىندا مىلتىق بولعانىن راستادى. جالپى, بۇگىنگى وتىرىستا ون شاقتى كۋاگەردەن جاۋاپ الىندى. ولاردىڭ اراسىندا كۇدىكتىلەردىڭ تانىستارى, بۇرىنعى سىنىپتاستارى, سونداي-اق ايىپتالۋشىلاردىڭ ءبىرىن ۇستاعان پاترۋلدىك پوليتسيا قىزمەتكەرلەرى بولدى.
سوت پروتسەسىندە كامەلەتكە تولماعانداردىڭ جاۋاپتارى بەينەجازبا ارقىلى كورسەتىلدى. بۇل ءىس قوعامدا ۇلكەن رەزونانس تۋدىرعاندىقتان, پروتسەستىڭ ءار كەزەڭى ءجىتى نازاردا بولۋدا.
