فوتو: اشىق دەرەككوز
قاجىلىق 10 ماۋسىمعا دەيىن جالعاساتىن بولعاندىقتان, وسى ۋاقىت ارالىعىندا قاسيەتتى جەرلەرگە تەك ارنايى ۆيزاسى بار ازاماتتارعا عانا كىرۋگە رۇقسات ەتىلەدى.
ساۋد ارابياسى ىشكى ىستەر مينيسترلىگىنىڭ حابارلاۋىنشا, قاجىلىققا رۇقساتسىز بارۋعا نەمەسە بارۋعا ارەكەتتەنگەن ادامدارعا 20 مىڭ ساۋد ريالىنا دەيىن (شامامەن 5,3 مىڭ اقش دوللارى) ايىپپۇل سالىنادى. بۇل شەكتەۋ بارلىق تيپتەگى ۆيزالارعا (تۋريستىك, جۇمىس, وتباسىلىق جانە ت.ب.) قاتىستى.
سونىمەن قاتار, رۇقساتسىز قاجىلىق جاساۋشىلارعا نەمەسە ولاردى ەلگە كىرگىزۋگە كومەكتەسكەندەرگە 100 مىڭ ريالعا دەيىن (شامامەن 26 مىڭ اقش دوللارى) ايىپپۇل سالىنىپ, سوت شەشىمىمەن كولىك قۇرالدارى تاركىلەنۋى مۇمكىن.
زاڭسىز كەلگەن, ۆيزاسى كەشىكتىرىلگەن نەمەسە ەلدە رۇقساتسىز جۇرگەن ادامدار دەپورتاتسيالانىپ, ولارعا 10 جىل بويى ساۋد ارابياسىنا كىرۋگە تىيىم سالىنادى.
مەملەكەت قاسيەتتى ورىنداردا ءتارتىپتى ساقتاۋ جانە قاجىلىق ماۋسىمىندا قاۋىپسىزدىكتى قامتاماسىز ەتۋ ماقساتىندا وسىنداي شارالاردى قولعا الىپ وتىر.
سونداي-اق, ساۋد ارابياسىنىڭ تۋريزم مينيسترلىگى مەككە قالاسىنداعى بارلىق قوناق ۇيلەرگە قاجىلىق رۇقساتى جوق ادامداردى ورنالاستىرۋعا تىيىم سالعانىن حابارلادى.
