ءماجىلىس دەپۋتاتتارى ەلورداداعى ساياباقتاردىڭ ءبىرىن كوگالداندىرۋعا ءوز ۇلەستەرىن قوستى. قالالىق سەنبىلىك بارىسىندا دەپۋتاتتار قاراعاي كوشەتتەرىن وتىرعىزدى. مۇنداي ءىس-شارالار داستۇرگە اينالدى.
– «تازا قازاقستان» – مەملەكەت باسشىسى قاسىم-جومارت توقاەۆتىڭ اۋقىمدى ەكولوگيالىق باستاماسى. ول بۇكىل ەل كولەمىندە ناعىز قوعامدىق قوزعالىسقا اينالدى. ونىڭ ماقساتى – تەك اۋماقتاردى تازالاۋ عانا ەمەس, قوعامدا تازا ءارى ەكولوگيالىق تۇرمىس سالتىن قالىپتاستىرۋ. اكتسياعا ەلىمىزدىڭ بارلىق ءوڭىرى قولداۋ كورسەتتى. وعان جاستار, زەينەتكەرلەر, قوعامدىق ۇيىمدار مەن مەكەمەلەردىڭ قىزمەتكەرلەرى قاتىسۋدا. بۇگىن ءبىز دەپۋتاتتارمەن بىرگە ءوز ۇلەسىمىزدى قوسىپ, استانامىزدا اعاشتار وتىرعىزدىق, – دەدى ءماجىلىس توراعاسى ەرلان قوشانوۆ.
«تازا قازاقستان» جوباسى پرەزيدەنتتىڭ باستاماسىمەن ءبىر جىل بۇرىن باستالدى. قالانى كوگالداندىرۋعا باعىتتالعان بۇل ناۋقان استانادا «جاسىل ايماق» دەگەن اتاۋمەن وتۋدە.
