بۇل ىزگىلىككە تولى ءىس-شارا اياسىندا جاستار تىل ارداگەرى اقان احاتوۆانىڭ شاڭىراعىنا ارنايى بارىپ, قۇرمەت كورسەتتى. ارداگەرگە العىس ايتىلىپ, مەديتسينالىق كومەك كورسەتىلدى. سونىمەن قاتار ازىق-ت ۇلىك سەبەتى مەن سىي-سياپاتتار تابىستالدى.
اقان احاتوۆا سول ءبىر زۇلمات جىلداردى ەسكە الىپ, قازىرگى بەيبىت زاماننىڭ قادىرىن باعالاۋعا شاقىردى.
– سوعىس جىلدارىندا ايەلدەر مەن بالالار تاڭنان كەشكە دەيىن ەڭبەككە جەگىلدى. كوپ نارسەدەن تارشىلىق كوردىك, بىراق وتان ءۇشىن, ەلدىڭ اماندىعى ءۇشىن بارىمىزدى سالدىق. ءاربىر مايداننان كەلگەن حات ءۇمىتتىڭ ساۋلەسى ەدى. ال جەڭىس تۋرالى حابار بار حالىقتىڭ كوز جاسىمەن قارسى العان قۋانىشى بولدى. بۇگىنگى بەيبىت ومىرگە قاراپ, سول كۇندەر ەسكە تۇسەدى. شۇكىر دەيمىن. قازىر ەل تىنىش, جاستار ءبىلىم الىپ, ەڭبەك ەتىپ ءجۇر. مەنىڭ ارمانىم – وسى بەيبىت كۇننىڭ قادىرىن ءبىلىپ, سوعىس دەگەن ءسوزدى تەك تاريحتان وقيتىن ۇرپاق وسسە دەيمىن. ەلگە, جەرگە دەگەن سۇيىسپەنشىلىكتەرىڭىزدى جوعالتپاڭىزدار. بىرلىكتى باعالاڭىزدار. تەك العا ۇمتىلىپ, ەل يگىلىگى ءۇشىن ەڭبەك ەتىڭىزدەر, – دەدى تىل ارداگەرى.
«ارداعىم – ارداگەرىم» ءبىر كۇندىك اكتسيا ەمەس, بۇل جاس ۇرپاقتىڭ جالعاستىرا جۇرەر جاقسى ءبىر قادامى دەپ تۇسىنسەك تە بولادى.
– سىزدەردىڭ ەڭبەكتەرىڭىز – ءبىز ءۇشىن تاربيە مەكتەبى. بۇگىنگى بەيبىت ءومىر ءسۇرىپ, ءبىلىم الىپ, ازات جۇرگەنىمىز – ارداگەرلەردىڭ ارقاسى. مۇنىڭ ءبارى – سىزدەر سياقتى اعا بۋىننىڭ جانقيار ەڭبەگىنىڭ جەمىسى. جاس ۇرپاق سول ءتالىمدى جالعاستىرىپ, ەلىمىزدىڭ بولاشاعى ءۇشىن ادال ەڭبەك ەتۋگە ءتيىس. سىزدەرگە دەگەن قۇرمەت ارقاشان ورتايمايدى, – دەدى بەلسەندى ازامات ەرسىنبەك ورلەۋبەك.
اباي وبلىسى
