عالىمدار بۇل باعىتتا ون جىلدان استام ۋاقىت بويى زەرتتەۋ جۇرگىزىپ كەلەدى. سونىڭ ناتيجەسىندە ولار ءتىستىڭ وسۋىنە قاجەتتى جاعدايدى جاساي الاتىن ەرەكشە ماتەريال ويلاپ تاپتى. بۇل ماتەريال جاسۋشالارمەن «بايلانىسىپ», ولارعا ارنايى سيگنالدار جىبەرىپ, ءتىستىڭ تابيعي قالىپتاسۋىنا ىقپال ەتەدى. مامانداردىڭ ايتۋىنشا, بۇل جاڭالىق بولاشاقتا پلومبالار مەن ءتىس يمپلانتتارىنىڭ ورنىن باسۋى بەك مۇمكىن. سەبەبى زەرتحانادا وسىرىلگەن ءتىس ادامنىڭ ءوز جاسۋشالارىنان الىنعاندىقتان, ول جاق سۇيەككە تابيعي جولمەن بەيىمدەلىپ, ورنىعىپ كەتەدى. بۇل – قازىرگى قولدانىلىپ جۇرگەن جاساندى يمپلانتتارعا قاراعاندا الدەقايدا ءتيىمدى ءارى تابيعي ءادىس.
