فوتو: اشىق دەرەككوز
انىقتالعانداي, بەلگىسىز تۇلعالار ايەلدىڭ اتىنا ءتورت ءتۇرلى بانكتەن نەسيە راسىمدەپ, جالپى سوماسى 9 ميلليون تەڭگەنى يەمدەنىپ كەتكەن. اتالعان فاكتىگە سايكەس قىلمىستىق كودەكستىڭ 190-بابى بويىنشا تەرگەۋ جۇمىسى باستالدى.
بۇدان بولەك ورال قالاسىنىڭ 51 جاستاعى تۇرعىنى دا الاياقتاردىڭ قۇربانىنا اينالعان. ول ءوزىن قۇقىق قورعاۋ ورگاندارى مەن بانكتىڭ قاۋىپسىزدىك قىزمەتىنىڭ وكىلى رەتىندە تانىستىرعان ادامدارعا 600 مىڭ تەڭگە اۋدارىپ جىبەرگەن.
«قاسكويلەر كوبىنە ۇقك نەمەسە بانكتەردىڭ قاۋىپسىزدىك قىزمەتى وكىلدەرى رەتىندە قوڭىراۋ شالىپ, ازاماتتاردىڭ ەسەپشوتتارىنا قاۋىپ ءتونىپ تۇرعانىن العا تارتىپ, سەنىمىنە كىرەدى. سودان كەيىن ءتۇرلى سىلتاۋمەن قۇپيا اقپاراتتى الىپ, قارجىنى ءوز ەسەپشوتتارىنا اۋدارادى. وسىعان بايلانىستى پوليتسيا دەپارتامەنتى ازاماتتارعا بانكتىك كارتا دەرەكتەرىن, SMS-كودتاردى جانە قۇپيا سوزدەردى بوگدە ادامدارعا جاريا ەتپەۋدى ەسكەرتەدى», دەلىنگەن پوليتسيا تاراتقان مالىمەتتە.
قۇزىرلى ورگان تۇرعىنداردى كيبەرقىلمىستارعا قارسى قىراعىلىق تانىتۋعا شاقىرىپ وتىر.
