قايعىلى وقيعا بۇگىن تاڭعى ساعات 5:30 شاماسىندا قاراعاندىدان 25 شاقىرىم جەردە بولعان. Toyota Alphard جۇرگىزۋشىسى رۋلگە يە بولا الماي قالىپ, كولىك شۇڭقىرعا اۋدارىلعان.
سالدارىنان ەكى جولاۋشى العان جاراقاتتارىنان وقيعا ورنىندا كوز جۇمدى.
«اتالعان فاكتى بويىنشا قىلمىستىق ءىس قوزعالىپ, ونىڭ اياسىندا قاجەتتى ساراپتامالار تاعايىندالدى. قازىرگى ۋاقىتتا وقيعانىڭ ءمان-جايىن انىقتاۋ ماقساتىندا جەدەل-ىزدەستىرۋ شارالارى جۇرگىزىلىپ جاتىر», دەپ حابارلادى قاراعاندى وبلىسىنىڭ پوليتسيا دەپارتامەنتىنەن.
ءتارتىپ ساقشىلارى جۇرگىزۋشىلەردەن تاس جولدارداعى جىلدامدىقتى ساقتاۋدى سۇرايدى.
