TikTok الەۋمەتتىك جەلىسىندە 16-17 جاس ارالىعىنداعى جاسوسپىرىمدەر تاپانشا ءتارىزدى زاتتاردى ۇستاپ تۇسكەن بىرنەشە فوتوسۋرەت جاريالاعان.
جەدەل-ىزدەستىرۋ ءىس-شارالارى ناتيجەسىندە التى ءجاسوسپىرىمنىڭ جەكە باسى انىقتالىپ, ولار پوليتسيا بولىمىنە جەتكىزىلدى.
تەكسەرۋ بارىسىندا انىقتالعانداي, ولاردىڭ بەسەۋى – اقتوبە قالاسىنداعى جوعارى جانە ارناۋلى ورتا وقۋ ورىندارىنىڭ ستۋدەنتتەرى, ال بىرەۋى – اۋداندىق مەكتەپتەردىڭ ءبىرىنىڭ جوعارى سىنىپ وقۋشىسى بولىپ شىقتى.
جاسوسپىرىمدەردىڭ بىرىنەن گازدى تاپانشا تاركىلەندى.
ءتارتىپ ساقشىلارىنا ولار بۇل ارەكەتتەرگە كونتەنت ءۇشىن بارعاندارىن, قورقىتۋ مەن زورلىق-زومبىلىقتى ناسيحاتتاۋ ماقساتىندا ەمەس, تەك قىزىعۋشىلىقتان جاساعاندارىن ءتۇسىندىردى.
اتالعان فاكت بويىنشا كامەلەتكە تولماعاندارمەن جانە ولاردىڭ اتا-انالارىمەن پروفيلاكتيكالىق اڭگىمەلەسۋ جۇرگىزىلىپ, ولار پروفيلاكتيكالىق ەسەپكە الىندى.
جاريالانعان پوستتار جويىلىپ, جاسوسپىرىمدەر وقيتىن ءبىلىم بەرۋ ۇيىمدارىندا قوسىمشا ءتۇسىندىرۋ جانە الدىن الۋ شارالارى ۇيىمداستىرىلدى.
