فوتو: pixabay.com
ىسىك نەگىزگى تامىرلار مەن وڭەشتى قىسىپ, كومەيدى ىعىستىرا كەلە, ءتوس سۇيەگىنىڭ ارتىنا جايىلىپ, ناۋقاستا ەنتىگۋ مەن تۇنشىعۋ پايدا بولعان.
وسى كەسەلدىڭ سالدارىنان ناۋقاستىڭ وڭەشى ايتارلىقتاي ىعىسىپ, قىسىلىپ, تىنىس الۋى قيىنداعاننان كەيىن دارىگەرلەرگە جۇگىنگەن. ماماندار قالقانشا بەزى ىسىگىنىڭ كولەمى 10 سانتيمەترگە جەتىپ, مويىن بۇلشىقەتىنە قاراي ءوسىپ, ليمفاتۇيىنىندە مەتاستازدىق زاقىمدانۋلار پايدا بولعانىن انىقتاعان.
«وتا اشىق تاسىلمەن جۇرگىزىلدى. ىسىككە بايلانىستى قاتتى ىعىسقان قايتارىمدى كومەي جۇيكەلەرىن ءبولىپ الىپ, داۋىس فۋنكتسياسىن ساقتاپ قالۋعا مۇمكىندىك تۋدى. قالقانشا بەزى تولىعىمەن الىنىپ تاستالىپ, مويىن ليمفاديسسەكتسياسى جۇرگىزىلدى», – دەيدى الماتى ونكولوگيا ورتالىعىنىڭ حيرۋرگى شىڭعىس ساتىمباەۆ.
جوعارى دالدىكتى تالاپ ەتەتىن وپەراتسيا كومەي جۇيكەلەرى مەن اينالاسىنداعى قۇرىلىمدار ىسىكپەن تىعىز بايلانىستا بولعان. قاراپايىم تىلمەن ايتقاندا, دارىگەرلەر ىسىكتى الىپ تاستاپ قانا قويماي, داۋىسقا جاۋاپ بەرەتىن جۇيكەلەردى دە زاقىمداماي ساقتاپ قالعان. بۇل – داۋىستىڭ جوعالماۋى ءۇشىن وتە ماڭىزدى.
ەكى ساعاتقا سوزىلعان وتا كۇردەلى بولسا دا, دارىگەرلەر ونى ءساتتى اياقتادى.
وتادان كەيىن ناۋقاستىڭ جاعدايى جاقسى, جاراسى جازىلىپ, ەشقانداي قيىندىقسىز وتباسىنا ورالدى.
ورايى كەلىپ تۇرعاندا, ماماندار مۇنداي قاتەرلى ىسىكتەردى اسقىندىرماي انىقتاسا, ونى ەمدەۋ الدەقايدا جەڭىل بولاتىندىعىن تاعى دا ەسكە سالادى.
سوندىقتان, دەنەڭىزدە ءبىر وزگەرىس بايقالسا نەمەسە كۇماندى بەلگى پايدا بولسا, دارىگەرگە كورىنۋدى كەشىكتىرمەڭىز. ۋاقتىلى تەكسەرىلۋ – اجالدان دا اراشالۋى مۇمكىن.
