اتا-اناسى تالعات بيگەلدينوۆ اعاسىنداي باتىر بولسىن دەپ, ەسىمىن ىرىمداپ قويعان ەكەن. بالا تالعات تا اعاسى سياقتى باتىر, ودان كەيىن يۋري گاگارين سياقتى عارىشكەر بولۋدى ارمانداپ وسكەن. تالعات امانكەلدى ۇلى سول ارمانىنا 43 جاسىندا قول جەتكىزدى. ول عارىشقا ءبىر ەمەس, ءۇش رەت ۇشقان. 1994 جىلى العاش رەت ۇشقاندا 126 كۇندى, 1998 جىلى 208 كۇندى, 2001 جىلى 8 كۇندى سوندا وتكىزگەن. ءتىپتى ءبىر اي ىشىندە بەس رەت (30 ساعات 8 مينۋت) اشىق عارىشتا بولعان ساپارى ءۇشىن ول گيننەستىڭ رەكوردتار كىتابىنا ەنگەن.