دوستىق ۇيىندەگى ەتنومادەني بىرلەستىكتەر توراعالارىمەن كەزدەسكەن جاستار قورقىت اتا اتىنداعى قىزىلوردا ۋنيۆەرسيتەتىنىڭ «Kyzylorda Hub» كوۆوركينگ ورتالىعىندا «جاساندى ينتەللەكت: ونىڭ مۇمكىندىكتەرى مەن الەۋەتى» تاقىرىبىندا ءبىرىنشى سەكتسيا جۇمىسىن وتكىزدى.
ونىڭ بارىسىندا جاستار مەن ساراپشىلار ەلدىڭ الەۋمەتتىك-ەكونوميكالىق دامۋىنداعى جاستاردىڭ ءرولى, كاسىپكەرلىك پەن كوشباسشىلىقتى دامىتۋ مۇمكىندىكتەرى, سونداي-اق جاستار ساياساتىنىڭ وزەكتى ماسەلەلەرى تۋرالى پىكىر الماستى. سونىمەن قاتار, فورۋم اياسىندا «اسسامبلەيا جاستارى» رقب توراعاسى تيمۋر جۇمىرباەۆتىڭ قاتىسۋىمەن قورقىت اتا اتىنداعى قىزىلوردا ۋنيۆەرسيتەتى جانىنان قۇرىلعان «ستۋدەنتتىك اسسامبلەيا» ورتالىعى اشىلدى.
ال «بولاشاق» ۋنيۆەرسيتەتىندەگى سەكتسيالىق وتىرىس جۇمىسشى ماماندىقتاردىڭ ماڭىزدىلىعىن ارتتىرۋعا, جاستاردىڭ كاسىپتىك باعدارىن ايقىنداۋعا ارنالىپ, فورۋم قوناقتارى ۋنيۆەرسيتەت ينفراقۇرىلىمىمەن, ارنايى كابينەتتەرمەن, جىلىجاي جۇمىسىمەن تانىستى.
