فوتو: جوعارعى سوت
اتالعان وقيعاعا 2024 جىلدىڭ جەلتوقسانىندا بولعان. بۇگىن, 2 ساۋىردە, سوت ايىپتالۋشى ايەلدەرگە قاتىستى ۇكىم شىعاردى. ارقايسىسىنا ءبىر جىل شەكتەۋ شاراسى تاعايىندالدى جانە شىعىندى وتەۋگە مىندەتتەلگەن.
«سوت قك 108-بابى بويىنشا قىلمىستىق قۇقىق بۇزۋشىلىق جاساعانى ءۇشىن كىنالى دەپ تانىپ, جازا رەتىندە ءبىر جىل شەكتەۋ شاراسىن تاعايىنداپ, پروباتسيالىق باقىلاۋدى بەلگىلەدى», دەلىنگەن حابارلامادا.
سونداي-اق, سوت ايىپتالۋشىلاردان زارداپ شەككەن فەلدشەر انەل بايمۋرزيناعا مورالدىق شىعىن رەتىندە 1 ميلليون تەڭگە وتەماقى تولەۋدى, 1 ميلليون 200 مىڭ تەڭگە ادۆوكاتتىق شىعىنداردى, 79 640 تەڭگە سوت ورىنداۋشىنىڭ قىزمەتىن, 29 029 تەڭگە كولىك شىعىندارىن وتەپ بەرۋدى مىندەتتەگەن. جالپى سوما 2 ميلليون 108 مىڭ 640 تەڭگەنى قۇرايدى, سونداي-اق 14 933 تەڭگە مەملەكەتتىك باجدى تولەۋدى مىندەتتەدى.
ۇكىم وقىلعان كەزدە ايىپتالۋشىلار ۇنەمى سوزگە ارالاسىپ, ايتىلعاندارعا قاتىستى ءوز پىكىرلەرىن بىلدىرگەن. سۋديا بىرنەشە رەت كىنالى ايەلدەردەن تىنىشتالۋدى جانە تارتىپكە كەلۋدى سۇراعان. سوتتالۋشىلار شىعارىلعان ۇكىممەن كەلىسپەگەن.
