فوتو: ۇكىمەتتىڭ ءباسپاسوز قىزمەتى
كولىك ءمينيسترى مارات قاراباەۆ قوستاناي وبلىسىندا «ورتالىق – باتىس» اۆتوجولىن سالۋ جوباسى بويىنشا دايىندىق بارىسىن تەكسەردى. بۇگىنگى تاڭدا جوبالىق قۇجاتتاما ازىرلەۋ جۇمىستارى باستالدى.
«ورتالىق – باتىس» جاڭا باعىتى اقمولا, قوستاناي جانە اقتوبە وبلىستارىنىڭ شالعاي اۋداندارىنداعى جول ماسەلەسىن شەشەدى. قوستاناي وبلىسىنىڭ ارقالىق قالاسى, امانگەلدى جانە جانگەلدين اۋداندارى, اقمولا وبلىسىنىڭ ەگىندىكول جانە جارقايىڭ اۋداندارى, سونداي-اق اقتوبە وبلىسىنىڭ ىرعىز اۋدانى مەن استانا اراسىنداعى جول قاتىناسى جاقسارادى. بۇل جەرگىلىكتى تۇرعىنداردىڭ تۇرمىس ساپاسىنا ايتارلىقتاي اسەر ەتەدى», دەلىنگەن حابارلامادا.
جالپى, اۆتوجول جوباسىن ىسكە اسىرۋ الەۋمەتتىك-ەكونوميكالىق دامۋعا وڭ اسەرىن تيگىزەدى. قاشىقتىق پەن جول ءجۇرۋ ۋاقىتى قىسقارادى.
«قازىرگى ۋاقىتتا استانادان باتىس ايماقتارعا دەيىنگى ارالىق «استانا – اتباسار – ەسىل – قوستاناي – قارابۇتاق – ىرعىز» باعىتى 1 438 شاقىرىمدى قۇرايدى. جانتەكە, ەگىندىكول, ارقالىق جانە تورعاي ارقىلى وتەتىن جاڭا باعىت جولدى 865 شاقىرىمعا دەيىن, ال قولدانىستاعى باعىتتى 560-تان استام شاقىرىمعا قىسقارتادى. كولىك جەلىسى 70 مىڭ تۇرعىنى بار 13 ەلدى مەكەندى قامتيدى. جول ەنى 8 مەتر بولاتىن 2 جولاقتان تۇرادى. قوزعالىس قارقىندىلىعى تاۋلىگىنە 3 مىڭ اۆتوكولىكتى قۇرايدى», دەلىنگەن حابارلامادا.
ايتا كەتەيىك, اۆتوجول قازاقستاننىڭ ورتالىق وڭىرلەرىنەن ترانسكاسپي حالىقارالىق كولىك باعىتىنا شىعۋدى قامتاماسىز ەتەدى, قازاقستاننىڭ پوزيتسياسىن نىعايتادى ءارى حالىقارالىق تاسىمالداۋداعى باسەكەگە قابىلەتتىلىكتى كۇشەيتەدى.
«اتالعان جۇمىس شەڭبەرىندە جالپى اۋدانى 3 200 م2 بولاتىن, ساعاتىنا 70 جولاۋشىعا قىزمەت كورسەتۋگە قابىلەتتى ەكى قاباتتى جاڭا اۋەجاي كەشەنىن سالۋ كوزدەلىپ وتىر. ۇزىندىعى 2,5 مىڭ مەتر ۇشۋ-قونۋ جولاعى, تاكسي جولى مەن پەررون جوندەلەدى. سونداي-اق اەروناۆيگاتسيالىق جانە مەتەورولوگيالىق جابدىقتاردى ساتىپ الۋعا قاراجات كوزدەلگەن. قوستاناي, استانا جانە الماتىعا قولجەتىمدى باعامەن سۋبسيديالاناتىن رەيستەردى ىسكە قوسۋ جوسپارلانۋدا. اۋەجايدىڭ قۇرىلىسى اڭشىلىق ءتۋريزمدى دامىتۋعا ىقپال ەتەدى دەپ كۇتىلەدى», دەپ حابارلادى ۇكىمەتتىڭ ءباسپاسوز قىزمەتى.
