جاھاندانۋ, ەكونوميكالىق داعدارىستار, ەكولوگيالىق اپات, كوشى-قون, حالىقتىڭ قارتايۋى سياقتى كۇردەلى قۇبىلىستاردىڭ اياسىندا مەملەكەت پەن قوعام تاراپىنان الەۋمەتتىك قولداۋ مەن كومەكتى قاجەت ەتەتىن ادامدار سانى ۇلعايىپ كەلەدى. وسىعان بايلانىستى الەۋمەتتiك جۇمىس سالاسىنداعى ارناۋلى مەكەمەلەر مەن قىزمەتكەرلەردىڭ كومەگىنە جۇگىنۋشىلەردىڭ ارتاتىنى بەلگىلى. الەۋمەتتiك قورعاۋ جۇيەسi قۋاتتى الەۋمەتتiك باعدارلانعان سالاعا اينالىپ كەلە جاتقانىن ەلىمىزدە 110 مىڭ ادامنىڭ مەملەكەتتىك الەۋمەتتىك تاپسىرىسپەن جۇمىس ىستەيتىن 1021 ۇيىمنان ارناۋلى قىزمەت الاتىندىعىنان دا بايقاۋعا بولادى. ولاردىڭ جۇمىسى نەعۇرلىم ءادىل, قولداۋشى قوعام قۇرۋعا ارنالعان.
كەيدە قاراپايىم ادامي قارىم-قاتىناستىڭ ءوزى – قامكوڭىل جانداردىڭ كوڭىلىنە دەمەۋ. حالىقتىڭ ءالسىز ساناتتارىنا قولداۋ مەن كومەك كەڭ اۋقىمدى قىزمەتتى قامتيدى. كوپتەگەن ازاماتقا ماتەريالدىق قولداۋ الۋ اسا ماڭىزدى. الەۋمەتتىك قىزمەتكەر ولاردىڭ قۇقىن قورعاۋعا, جاردەماقىنى راسىمدەۋگە, ۋاقىتشا باسپانا ىزدەۋگە, ازىق-ت ۇلىك پەن كيىم-كەشەك جەتكىزۋگە كومەكتەسەدى. ولار سونداي-اق كۇيزەلىستە جۇرگەن ادامدارعا كەڭەس بەرىپ, ەموتسيونالدىق الاڭداۋشىلىقتاردى ەڭسەرۋگە, پسيحولوگيالىق دەنساۋلىقتى قالپىنا كەلتىرۋگە قولداۋ كورسەتەدى, ازاماتتاردىڭ جۇمىسقا ورنالاسۋىنا, جاڭا داعدىلاردى ۇيرەنۋىنە, قوعامعا بەيىمدەلۋىنە ۇيىتقى بولادى.
الەۋمەتتىك كودەكستە مۇنداي ماماننىڭ كاسىبي قىزمەتىن جۇزەگە اسىرۋ كەزىندەگى قۇقى مەن مىندەتىنە, مارتەبەسى مەن جۇمىس ەرەكشەلىكتەرىنە, كاسىبي قۇپيا, مىنەز-ق ۇلىق ادەبىنە, قىزمەتتى ورىنداۋعا بايلانىستى شەكتەۋلەرگە, الەۋمەتتىك كەپىلدىكتەر تۋرالى تۇسىنىكتەرىنە جەكە تاراۋ ارنالعان. قوعام دامۋىنداعى جاڭا ۇدەرىستەردى ەسكەرە وتىرىپ, الەۋمەتتىك قىزمەتكەرلەردىڭ كاسىبي دايىندىق دەڭگەيىنە, داعدىلارى مەن قۇزىرەتتەرىنە باسا ءمان بەرىلىپ وتىر.
بيىلدان باستاپ مەنشىك نىسانىنا قاراماستان ەرەكشە قاجەتتىلىكتەرى بار ادامدارعا ارناۋلى الەۋمەتتىك قىزمەتتەر كورسەتەتىن سۋبەكتىلەردى ليتسەنزيالاۋ ەنگىزىلدى. سونداي-اق ىسكە قوسىلعان جان باسىنا شاققانداعى قارجىلاندىرۋ جۇيەسى دەربەس قاجەتتىلىكتەردى ەسكەرە وتىرىپ, الەۋمەتتىك كومەك پەن قولداۋدىڭ قاجەتتى كولەمىن ايقىنداۋعا مۇمكىندىك بەرەدى. مۇقتاج ادامدار ارناۋلى تاۋارلار مەن قىزمەتتەردi, قىزمەت كورسەتۋ ۇيىمدارىمەن قوسا الەۋمەتتiك قىزمەتكەردى تاڭداي الادى. وسى ماقساتتا جۇيەلەۋ, ەسەپكە الۋمەن اينالىساتىن الەۋمەتتىك قىزمەتكەرلەردىڭ ارنايى ءتىزىلىمى قالىپتاستىرىلدى. وندا قىزمەتكەردىڭ بىلىكتىلىگى, كورسەتەتىن قىزمەتتەردىڭ ءتۇرى مەن ساپاسى, جۇمىس ناتيجەلەرى تۋرالى اقپارات قامتىلعان. الەۋمەتتىك قىزمەتكەردىڭ بىلىكتىلىك دەڭگەيىنە قاتىستى ءبىلىم مودۋلدەرى ازىرلەندى. سەگىز دەڭگەي بويىنشا كاسىپتىك ستاندارتتار بەكىتىلىپ, جۇمىس بەرۋشىلەردىڭ دايارلاناتىن كادرلاردىڭ ءبىلىم دارەجەسىنە, داعدىلارى مەن ىسكەرلىكتەرىنە قويىلاتىن تالاپتارى بەلگىلەندى. سونداي-اق ۇلتتىق عىلىمي ورتالىقتىڭ بازاسىندا ارناۋلى الەۋمەتتىك قىزمەت كورسەتۋ سالاسىندا كاسىبي بىلىكتىلىكتى تانۋ ورتالىعى قۇرىلدى.
قىزمەتتەردى ونلاين رەجىمىندە ۇسىنۋدىڭ, الەۋمەتتىك ماسەلەلەردى تالداۋ, ءتيىمدى الەۋمەتتىك باعدارلامالاردى ازىرلەۋدە ۇلكەن دەرەكتەردى پايدالانۋدىڭ جاڭا مۇمكىندىكتەرى پايدا بولدى. الەۋمەتتiك پروبلەمالاردىڭ كۇردەلەنۋiنە, جاڭا تەحنولوگيالاردىڭ دامۋىنا بايلانىستى سالا قىزمەتكەرلەرىنiڭ بiلiمiنە, كاسiبي قۇزىرەتiنە, جەكە قاسيەتتەرiنە قويىلاتىن تالاپتار ۇدايى ءوسiپ وتىرادى.
ۇلتتىق قىزمەتتەر جىكتەۋشىنىڭ جوباسىنا ءتورت ماماندىق: الەۋمەتتىك كومەكشى, ارنايى الەۋمەتتىك قىزمەت كورسەتەتىن ۇيىمدارداعى الەۋمەتتىك قىزمەتكەردىڭ كومەكشىسى, الەۋمەتتىك قىزمەتكەر-كەيس-مەنەدجەر, الەۋمەتتىك جۇمىس مەنەدجەرى العاش ەنگىزىلىپ وتىر. كاسىپتىك ستاندارتتا: حالىقتى الەۋمەتتىك قورعاۋ سالاسىندا تسيفرلىق ءموبيلدى قوسىمشالاردى قولدانۋعا, كوممۋنيكاتسيا قۇرۋعا بەيىمدىلىك, مۇمكىندىگى شەكتەۋلى ازاماتتاردىڭ, ولاردىڭ وتباسىلارىنىڭ الەۋەتىن باعالاۋ, كوپسالالى توپتا قاداعالاۋ توپتارىن ۇيىمداستىرا ءبىلۋ, ادۆوكاتتىق قىزمەت, الەۋمەتتىك سالا كليەنتتەرىنىڭ مۇمكىندىكتەرىن كەڭەيتۋ سەكىلدى مىندەتتەردى ورىنداۋدىڭ بىرقاتار جاڭا تاسىلدەرى قاراستىرىلعان.
الەۋمەتتىك جۇمىسقا بىلىكتىلىكتى باعالاۋدىڭ تاۋەلسىز جۇيەسىنەن وتكەن سەرتيفيكاتتالعان ماماندار عانا جىبەرىلەتىن بولادى. كودەكستە كوزدەلگەندەي, قىزمەتكەردىڭ قوعامداعى مارتەبەسىن ارتتىرۋ وقىتۋ مەن سەرتيفيكاتتاۋدى, سونداي-اق ولاردىڭ كاسىبي دەڭگەيىن ەسكەرە وتىرىپ, ەڭبەكاقى تولەۋدىڭ جاڭا جۇيەسىن ەنگىزۋدى قۇرايدى. قازىردە 12 704 الەۋمەتتىك قىزمەتكەردىڭ 9 568-ءى وقىتىلىپ, 7 537-ءسى سەرتيفيكات الدى. 2021–2023 جىلدار ارالىعىندا ارناۋلى قىزمەت كورسەتۋ ورتالىقتارىندا جۇمىس ىستەيتىن الەۋمەتتىك سالا قىزمەتكەرلەرىنىڭ جۇمىس جاعدايى مەن مارتەبەسىن ارتتىرۋ ماقساتىندا ەڭبەكاقىنى كوتەرۋ كەزەڭ-كەزەڭمەن جۇرگىزىلىپ, ناتيجەسىندە ەكى ەسە ءوستى. بۇل رەتتە كورسەتiلەتiن قىزمەتتەردiڭ بiلiكتiلiك دەڭگەيiن, ساناتى مەن ەرەكشەلiگiن ەسكەرەتiن ەڭبەكاقى تولەۋدiڭ جاڭا جۇيەسi قولدانىلادى. الەۋمەتتىك جۇمىستى دامىتۋعا باعىتتالعان بۇل شارالاردىڭ بارلىعى تۇپكى ناتيجەدە ءاربىر ادام ءوز الەۋەتىن ىسكە اسىرىپ, لايىقتى ءومىر سۇرۋگە مۇمكىندىك الاتىن ءادىل دە ينكليۋزيۆتى قوعام قۇرۋعا ىقپال ەتپەك.
