فوتو: جەدەل شتاب
قازىر اقكيىزتوعاي مەن تۇرعىزبا اۋىلى ارالىعى جانە وزەننىڭ تەڭىزگە قۇياتىن ساعاسىنا دەيىنگى 50 شاقىرىم جەردە وسى باعىتتاعى جۇمىستار اياقتالعان.
ال قۇرساي وزەنىنىڭ 80 پايىزعا جۋىعى تازارتىلىپ, تەرەڭدەتىلگەن. قازىر قالاىشىلىك اۋماقتاعى جۇمىستار جالعاسىپ جاتىر.
«بەكىتۋ شارالارىن قۇرساي وزەنىندەگى جۇمىستار تولىق بىتپەگەندىكتەن ۋاقىتشا جۇرگىزدىك, ياعني, بۇل جەردەگى جۇمىستار جالعاسادى. وزەننىڭ الدىنا ارنايى ۇلكەن شليۋز سالىنادى. ودان ءارى قاراي قۇرساي وزەنىن جانە قۇر-جەمدى كەسىپ وتەتىن بوگەتتەردىڭ بويىنا دا شاعىن رەتتەگىش شليۋزدار ورناتىلادى», دەدى اتىراۋ وبلىسى قۇرىلىس, ساۋلەت جانە قالا قۇرىلىسى باسقارماسىنىڭ باسشىسى نۇربەرگەن قۇسايىنوۆ.
بۇدان بولەك اۋدان 3 دارەجەلى قورعانىس بوگەتىمەن قورعالعان. ونىڭ جالپى ۇزىندىعى 100 شاقىرىمعا جۋىقتايدى.
ء«بىرىنشى بوگەت جەم وزەنىنىڭ ءتۇبىن تەرەڭدەتۋ كەزىندە شىققان توپىراقتان توسەلگەن. ەكىنشىسى رەسپۋبليكالىق ماڭىزى بار اتىراۋ-بەينەۋ تاس جولىنان باستالىپ, اقكيىزتوعاي اۋىلىنا دەيىنگى 65 شاقىرىم بالمەن سوعىلىپ جاتىر. ال سۋ ول ەكى بوگەتتەن ءوتىپ كەتتى دەگەن جاعدايدا 3-ءشىسى, ياعني, قۇلسارى قالاسىن قورشاپ تۇرعان بىلتىرعى بوگەت قايتا نىعايتىلدى»,دەدى وبلىس اكىمىنىڭ ورىنباسارى قايرات نۇرتاەۆ.
ايتا كەتەيىك, ەنى 20 مەتر, بيىكتىگى 6 مەتر بولاتىن, ءار 50 سم سايىن پرەستەلىپ نىعايتىلعان 65 شاقىرىم بوگەتتىڭ بۇگىندە 78 پايىز جۇمىسى اياقتالعان.
