جيىندا اۆتوجول سالاسىنداعى سىبايلاس جەمقورلىق تاۋەكەلدەرىنە سىرتقى تالداۋ ناتيجەلەرى بويىنشا ەنگىزىلگەن ۇسىنىمداردىڭ ورىندالۋى, سونداي-اق كۆازيمەملەكەتتىك سەكتور ۇيىمدارىنداعى سىبايلاس جەمقورلىققا قارسى كومپلاەنس-قىزمەتتەردىڭ جۇمىسى قارالدى. سونىمەن قاتار, الماتى قالاسىنىڭ ادەپ كەڭەسىنىڭ قىزمەتى تۋرالى ەسەپ تىڭدالدى.
كوتەرىلگەن ماسەلەلەر بويىنشا سىبايلاس جەمقورلىققا قارسى ءىس-قيمىلدى كۇشەيتۋگە باعىتتالعان ناقتى ۇسىنىستار بەرىلدى. قۇرىلىس جانە جول جوندەۋ سالاسىندا الماتى اكىمى ە.دوساەۆتىڭ تاپسىرماسىمەن قر يندۋستريا جانە قۇرىلىس مينيسترلىگىنە اۆتورلىق جانە تەحنيكالىق قاداعالاۋ جۇمىستارىن ورىنداۋشىلاردىڭ جاۋاپكەرشىلىگىن ارتتىرۋ ماقساتىندا زاڭناماعا وزگەرىستەر ەنگىزۋ جونىندە ۇسىنىستار جولداندى.
سونىمەن قاتار, اكىمنىڭ تاپسىرماسىنا سايكەس, كۆازيمەملەكەتتىك ۇيىمدارداعى كومپلاەنس-قىزمەتتەر ءۇشىن مامان دايارلاۋ ماسەلەسى قاراستىرىلاتىن بولادى. وسىعان بايلانىستى بيىلعى جىلعا ارنالعان ءتيىستى جۇمىس جوسپارى ازىرلەنەدى.
شاھاردا مەملەكەتتىك قىزمەتتەردىڭ ساپاسىن ارتتىرۋ جانە مەملەكەتتىك قىزمەتشىلەردى سىبايلاس جەمقورلىققا قارسى وقىتۋ جۇمىستارى دا جالعاسىن تاپپاق.
سىبايلاس جەمقورلىققا قارسى ءىس-قيمىل اگەنتتىگىنىڭ الماتى قالاسى بويىنشا دەپارتامەنتىنىڭ باسشىسى ا.راحيموۆ سىبايلاس جەمقورلىققا قارسى ءتيىمدى ءىس-قيمىل كەشەندى ءتاسىلدى تالاپ ەتەتىنىن اتاپ ءوتتى. ول تەك قۇقىقبۇزۋشىلىقتاردى انىقتاۋمەن جانە جولىن كەسۋمەن عانا شەكتەلمەي, الدىن الۋ شارالارىن دا قامتۋى قاجەت. نەگىزگى مىندەتتەر – كۆازيمەملەكەتتىك سەكتوردا كومپلاەنس-جۇيەنى دامىتۋ, سىبايلاس جەمقورلىققا قارسى ۇسىنىستاردى ورىنداۋ جانە اشىقتىقتى ارتتىرۋ.
جالپى, الماتى قالاسىنىڭ سىبايلاس جەمقورلىققا قارسى ءىس-قيمىل دەپارتامەنتىمەن بىرلەسكەن جۇمىستىڭ ناتيجەسىندە قۇقىقبۇزۋشىلىقتاردىڭ الدىن الۋ جانە ولاردى بولدىرماۋ باعىتىندا وڭ ديناميكا بايقالعان.
وتىرىس قورىتىندىسى بويىنشا قالا اكىمى ە. دوساەۆ جەرگىلىكتى اتقارۋشى ورگانداعى سىبايلاس جەمقورلىقتىڭ الدىن الۋ جانە وعان قارسى ءىس-قيمىل جونىندەگى جۇمىستار قالا باسشىلىعىنىڭ ەرەكشە باقىلاۋىندا ەكەنىن جانە بۇل باعىتتاعى شارالار بيىل دا جالعاساتىنىن اتاپ ءوتتى.
