فوتو: aif.ru
ۆەدومستۆونىڭ مالىمەتىنشە, نەگىزگى بۇزۋشىلىقتار قاتارىندا نەگىزسىز سىياقىلار تولەۋ, ينفراقۇرىلىم وبەكتىلەرىن سالۋ كەزىندە قاراجاتتى ماقساتسىز پايدالانۋ, سپورتشىلارمەن جاسالعان كۇماندى كەلىسىمدەر جانە سپورتشىلاردى تاماقتاندىرۋعا بولىنگەن قارجىنى جىمقىرۋ فاكتىلەرى بار.
«اتاپ ايتقاندا, فەدەراتسيانىڭ بۇرىنعى باسشىلىعى جەكەلەگەن قىزمەتكەرلەر مەن سپورتشىلارعا 300 ملن تەڭگەدەن استام سومادا نەگىزسىز سىياقى تولەگەن. فەدەراتسيانىڭ اكىمشىلىك عيماراتى مەن تالعار قالاسىنداعى جاتتىعۋ بازاسىن سالۋ بارىسىندا ءىس جۇزىندە ورىندالماعان جۇمىستارعا 350 ملن تەڭگەدەن اسا تولەمدەر جاسالعان. 2021 جىلى باستالعان الماتى وبلىسىنداعى بازا قۇرىلىسى توقتاپ تۇر, ال مەردىگەردىڭ شوتتارى بۇعاتتالعان», دەلىنگەن حابارلامادا.
سونىمەن قاتار 135 ملن تەڭگە ستراتەگيالىق قۇجاتتار مەن ستاندارتتاردى ازىرلەۋگە بولىنگەن قاراجاتتىڭ ورىندى جۇمسالۋى كۇمان تۋدىرعان. بۇل قۇجاتتاردا ناقتى ىسكە اسىرۋ تەتىكتەرى, ونىڭ ىشىندە جەكە ينۆەستيتسيالاردى تارتۋ جولدارى كورسەتىلمەگەن, ال كلۋبتاردى باسقارۋ ستاندارتى ءىس جۇزىندە ەنگىزىلمەگەن.
«ورداباسى», «اقتوبە» جانە «جەتىسۋ» فۋتبول كلۋبتارىنداعى تەكسەرۋلەر دە كەلىسىمشارت سومالارىن اسىرىپ كورسەتۋ, ويىنشىلاردى تومەن باعامەن ساتۋ, جوعارى باعامەن ساتىپ الۋ جانە قاراجات جىمقىرۋ سياقتى بىرقاتار ەلەۋلى بۇزۋشىلىقتار انىقتالعان.
ايتا كەتەيىك, سوتقا دەيىنگى تەرگەپ-تەكسەرۋ جۇمىستارى باستالىپ, فۋتبول فەدەراتسياسىنىڭ بۇرىنعى باسشىلارىنا قاتىستى قىلمىستىق ءىس تەرگەپ-تەكسەرۋ جۇرگىزۋ ءۇشىن قارجىلىق مونيتورينگ اگەنتتىگىنە بەرىلگەن.
