فوتو: عىلىم جانە جوعارى ءبىلىم مينيسترلىگى
شەكتى بالدى 72%-عا جۋىق تالاپكەر جينادى. تەستىلەۋ ناتيجەسى بويىنشا ورتاشا بالل 65 بالدى (5 ءپان بويىنشا) قۇرادى. ەڭ جوعارى بالل – 139, ونى الماتى قالاسى جانە شىعىس قازاقستان وبلىسىندا وقيتىن 2 تالاپكەر جيناعان.
تەستكە قاتىسۋشىلاردىڭ 70,7%-ى قازاق تىلىندە, 29,2%-ى ورىس تىلىندە, 100 ادام اعىلشىن تىلىندە تەستىلەۋدەن ءوتتى.
تالاپكەرلەردىڭ كوبى 18,1%-ى «ماتەماتيكا-فيزيكا» پاندەر كومبيناتسياسىن تاپسىردى. 14,8%-ى «بيولوگيا-حيميا», 12,6% «شىعارماشىلىق ەمتيحان» كومبيناتسياسىن تاڭداعان. ەڭ از تاڭدالعان كومبيناتسيا – «حيميا-فيزيكا», ونى 105 ادام تاپسىرعان.
عىلىم جانە جوعارى ءبىلىم مينيسترلىگىنە قاراستى ۇلتتىق تەستىلەۋ ورتالىعىنىڭ مالىمەتىنشە قازىرگى ۋاقىتتا 121 ادامنىڭ ناتيجەسى جويىلدى. ونىڭ ىشىندە 43 تالاپكەر سمارتفون, شپارگالكا سياقتى تىيىم سالىنعان زاتتاردى الىپ ءوتۋ ارەكەتى سالدارىنان تەست تاپسىرۋ مۇمكىندىگىنەن ايىرىلدى, تەستىلەۋ كەزىندە ەرەجەلەردى بۇزعانى ءۇشىن اۋديتوريادان 55 ادام شىعارىلعان, ال 23 ادامنىڭ سەرتيفيكاتى تەستىلەۋ بەينەجازباسىن تەكسەرۋ ناتيجەسىندە جويىلعان.
ايتا كەتسەك, 2025 جىلعى ۇبت اياقتالعاننان كەيىن كۇنتىزبەلىك جىلدىڭ 31 قازانىنا دەيىن تەستىلەۋدىڭ بەينەجازبالارىنا تالداۋ جۇرگىزىلەدى. تىيىم سالىنعان زاتتاردى پايدالانۋ نەمەسە ەرەجەلەردى بۇزۋ فاكتىلەرى انىقتالعان جاعدايدا ءتۇسۋشىنىڭ ۇبت ناتيجەلەرى جويىلادى.
ەستەرىڭىزگە سالايىق, ناۋرىز ۇبت-سى 1 ناۋرىز بەن 6 ءساۋىر ارالىعىندا وتەدى. تەستىلەۋگە قاتىسۋعا 163 مىڭعا جۋىق تالاپكەر نيەت بىلدىرگەن.
