فوتو: egemen.kz
ەنەرگەتيكا ءمينيسترى ەرلان اقكەنجەنوۆتىڭ مالىمەتىنشە, جەر قويناۋىن پايدالانۋشىلار قورشاعان ورتاعا كەرى اسەردى ازايتۋ ماقساتىندا ەكولوگيالىق زاڭنامانى, ستاندارتتار مەن نورمالاردى ساقتاي وتىرىپ, ونەركاسىپ قالدىقتارى جانە مۇناي قالدىقتارىمەن جۇمىس جۇرگىزىپ جاتىر.
ماسەلەن قالدىقتاردى ءوندىرۋ, كادەگە جاراتۋ, قايتا وڭدەۋ نەمەسە باسقا سالالاردا پايدالانۋ ساتىسىندا پايدا بولاتىن قالدىقتاردىڭ كولەمىن ازايتۋعا باعىتتالعان تەحنولوگيالار قولدانىلادى.
«مۇناي شلامىنىڭ پايدا بولۋىنا جول بەرمەۋ شارالارى جۇيەلى تۇردە جۇرگىزىلەدى. ونىڭ قۇرىلۋىنا قاراي نە ءوز كۇشىمەن, نە مامانداندىرىلعان ۇيىمداردى تارتا وتىرىپ, جيناۋ جانە قايتا وڭدەۋ جۇرگىزىلەدى, مۇناي شلامىن كومۋگە جول بەرىلمەيدى. ءوندىرىس پروتسەسىندە پايدا بولعان مۇناي شلامى جيناقتاۋ كەزەڭىن اينالىپ ءوتىپ, دەرەۋ وڭدەۋگە نەمەسە كادەگە جاراتۋعا جىبەرىلەدى», دەدى ەنەرگەتيكا ءمينيسترى ەرلان اقكەنجەنوۆ.
«قاراجانباسمۇناي», «وزەنمۇنايگاز», «ماڭعىستاۋمۇنايگاز» جانە «ەمبىمۇنايگاز» كومپانيالارىنىڭ نىساندارىندا مۇناي قالدىقتارىن كادەگە جاراتۋ جانە لاستانعان جەرلەردى تازارتۋ جۇمىستارىن «قازمۇنايگاز» ۇك» اق جۇرگىزىپ جاتىر.
2018–2024 جىلدار ارالىعىندا شامامەن 4,5 ملن توننا تاريحي مۇناي قالدىقتارى وڭدەلگەن.
