جاڭا قونىس يەلەرىنىڭ ىشىندە 168 كوپبالالى وتباسى جانە 180 الەۋمەتتىك وسال توپقا جاتاتىن ازاماتتار بار. باسپانالار زاماناۋي تالاپتارعا ساي جابدىقتالعان, تۇرعىندارعا بارلىق قاجەتتى جاعدايلار جاسالعان.
سالتاناتتى شارا اياسىندا ۇلتتىق قولونەر كورمەسى ۇيىمداستىرىلىپ, كونتسەرتتىك باعدارلاما ءوتتى. كيىز ۇيلەر تىگىلىپ, قوناقتارعا ناۋرىز كوجە ۇسىنىلدى. بۇل يگى ءىس تۇركىستان وبلىسىندا حالىقتى باسپانامەن قامتۋ باعىتىندا اتقارىلىپ جاتقان جۇيەلى جۇمىستاردىڭ جالعاسى.
ايتا كەتەيىك, سوڭعى جىلدارى تۇركىستاندا تۇرعىن ۇيمەن قامتۋ قارقىندى ءجۇرىپ جاتىر. 2018-2024 جىلدار ارالىعىندا 3519 وتباسى جاڭا باسپانالى بولسا, 2024 جىلى 961 تۇرعىن ءۇي پايدالانۋعا بەرىلگەن.
