فوتو: ۇكىمەت
«مەملەكەت باسشىسى IV ۇلتتىق قۇرىلتايدا سويلەگەن سوزىندە ەلىمىزدىڭ ىشكى ساياسات پەن ەكونوميكا سالاسىنداعى تاياۋ كەلەشەكتەگى دامۋ باعدارىن ايقىنداپ بەردى. ەكونوميكانىڭ وسۋىنە, ءىرى ينفراقۇرىلىمدىق جانە ەنەرگەتيكالىق جوبالاردى جۇزەگە اسىرۋعا, تسيفرلاندىرۋ مەن ادامي كاپيتالدى دامىتۋعا قاتىستى كوپتەگەن ماڭىزدى ماسەلەلەرگە نازار اۋدارىلدى. ەڭ باستىسى – پرەزيدەنت تاپسىرمالارىن ساپالى ورىنداۋ», دەپ اتاپ ءوتتى ولجاس بەكتەنوۆ.
ۇكىمەتتىڭ ءباسپاسوز قىزمەتى كەڭەستە مينيسترلىكتەردىڭ جۇكتەلگەن مىندەتتەردى جۇزەگە اسىرۋداعى تاسىلدەرى تىڭدالعانىن حابارلادى.
پرەمەر-ءمينيستردىڭ ورىنباسارى – ۇلتتىق ەكونوميكا ءمينيسترى سەرىك جۇمانعارين ەكونوميكانىڭ وسۋىنە جاڭاشا سەرپىن بەرۋ جانە وڭىرلىك دامۋداعى تەڭگەرىمسىزدىكتەردى جويۋ, ءادىل جانە ءتيىمدى سالىق جۇيەسىن دامىتۋ, سالىقتىق اكىمشىلەندىرۋدى جەتىلدىرۋ جۇمىستارى تۋرالى باياندادى. مەملەكەت باسشىسىنىڭ تاپسىرماسىنا سايكەس, 2025-2030 جىلدارعا ارنالعان وڭىرلىك ساياسات تۇجىرىمداماسىنىڭ جوباسى مەن شەكارا ماڭىنداعى اۋماقتاردى دامىتۋ بويىنشا جەكە زاڭ ازىرلەنەدى.
ەنەرگەتيكا ءمينيسترى الماسادام ساتقاليەۆ پرەزيدەنتتىڭ تاپسىرماسى اياسىندا الداعى ەكى جىلدا ەنەرگيا جۇيەسىنىڭ قۋاتىن شامامەن 3 گۆت-قا ارتتىراتىن بىرقاتار جاڭا جوبالاردى ىسكە اسىرۋ جوسپارلانىپ وتىرعانىن حابارلادى. بۇدان باسقا, 2026 جىلى قاشاعانداعى قۋاتى 1 ملرد م3 جاڭا گاز وڭدەۋ زاۋىتىن, «تالدىقورعان – ءۇشارال» ماگيسترالدى گاز قۇبىرىن جانە «بەينەۋ–بوزوي–شىمكەنت» گاز قۇبىرىنىڭ ەكىنشى جەلىسىن پايدالانۋعا بەرۋ جوسپارلانىپ وتىر. سونداي-اق اتوم سالاسىن دامىتۋ ماسەلەلەرىنە نازار اۋدارىلدى.
تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى جاسلان ماديەۆ بيۋدجەتتىك جوسپارلاۋ سالاسىنا جاساندى ينتەللەكتىنى ەنگىزۋ جانە بيۋدجەتتىڭ كىرىس جانە شىعىس بولىگىن بولجاۋدىڭ زياتكەرلىك مودەلىن ازىرلەۋ تۋرالى باياندادى. سونداي-اق داتا-ورتالىقتاردىڭ قۋاتىن اۋقىمدى كەڭەيتۋ جوسپارلانىپ وىتر, بۇل قازاقستاننىڭ وڭىرلىك IT-حاب رەتىندەگى ۇستانىمىن نىعايتادى.
كولىك ينفراقۇرىلىمىن دامىتۋ شەڭبەرىندە «استانا – جانتەكە – ەگىندىكول – ارقالىق – تورعاي – ىرعىز» باعىتى بويىنشا جالپى ۇزىندىعى 791 شاقىرىم ءدالىزدى ەنگىزۋ ەسەبىنەن ورتالىق جانە باتىس وڭىرلەر اراسىنداعى جولدى قىسقارتۋ جوسپارلانۋدا. ول ءۇشىن «استانا – جانتەكە», «جانتەكە – ەگىندىكول», «ارقالىق – تورعاي» جول ۋچاسكەلەرىن جوندەلەدى. «ىرعىز – تورعاي» جانە «ارقالىق – ەگىندىكول» اراسىنداعى جولداردى سالۋ قاجەت. ارقالىق اۋەجايىنا دا رەكونسترۋكتسيا جاسالادى: زاماناۋي اەروۆوكزال سالۋ جانە ۇشۋ-قونۋ جولاعىن جاڭارتۋ كوزدەلىپ وتىر.
مادەنيەت جانە اقپارات ءمينيسترى ايدا بالاەۆا كينو سالاسىنداعى زاڭنامانى كۇشەيتۋ بويىنشا باستالعان جۇمىستار, بالالارعا ارنالعان قازاق انيماتسياسىن دامىتۋ جوسپارى تۋرالى باياندادى. پرەزيدەنتتىڭ مەملەكەتتىك الەۋمەتتىك تاپسىرىس شارتتارىن قايتا قاراۋ جانە ۇكىمەتتىك ەمەس ۇيىمدار تۋرالى زاڭنامانى جەتىلدىرۋ تۋرالى تاپسىرمالارىن ورىنداۋ ماقساتىندا ۇەۇ وكىلدەرىنىڭ اراسىنان ساراپتامالىق كوميسسيا قۇرىلدى. سونداي-اق يۋنەسكو قامقورلىعىمەن مادەني مۇرانى ساقتاۋ جانە ىلگەرىلەتۋ جونىندەگى كەشەندى جوسپاردىڭ جوباسى ازىرلەنگەنى اتاپ ءوتىلدى.
ءبىلىم بەرۋ سالاسىندا «قازاقستان بالالارى» بىرىڭعاي باعدارلاماسى شەڭبەرىندە وسكەلەڭ ۇرپاقتى زورلىق-زومبىلىقتان قورعاۋ مەن قاۋىپسىزدىگىن قامتاماسىز ەتۋگە, ساپالى ءبىلىم مەن مەديتسينالىق قىزمەت كورسەتۋگە قول جەتكىزۋگە, ەرەكشە قاجەتتىلىكتەرى بار بالالارعا تەڭ مۇمكىندىكتەر بەرۋگە باعىتتالعان ارنايى زاڭ ازىرلەنەتىن بولادى. ەلىمىزدە 11 اۋتيزم ورتالىعى جۇمىس ىستەيدى, ءار ايماقتا ءتيىستى مەكەمەلەر اشۋ قاجەتتىلىگى اتاپ ءوتىلدى. سونىمەن قاتار سۇرانىسقا يە ماماندىقتاردى دايارلاۋ ءۇشىن جاعداي جاساۋ دا الداعى جوسپارلاردىڭ قاتارىندا تۇر. ساپالى ينفراقۇرىلىمدى دايىنداۋعا ەرەكشە نازار اۋدارىلاتىن بولادى. ماسەلەن, 1,2 مىڭ ورىندىق حالىقارالىق كوللەدج سالۋ جوسپارلانعان.
تۋريزم جانە سپورت ءمينيسترى ەربول مىرزابوسىنوۆ فۋتبولدى دامىتۋ شارالارى تۋرالى حابارلادى. بۇگىنگى تاڭدا قازاقستاندا 28 نەگىزگى ستاديون بار. ALAN فۋتبول الاڭدارىن جاڭارتۋ جوباسى اياسىندا سوڭعى ەكى جىلدا 18 الاڭ رەكونسترۋكتسيادان ءوتتى, بيىل تاعى 9 الاڭ جاڭارتىلادى.
بيوالۋانتۇرلىلىكتى ساقتاۋ جانە ەكولوگيالىق مادەنيەتتى نىعايتۋ جونىندەگى تاپسىرمالاردى ىسكە اسىرۋ تۋرالى ەكولوگيا جانە تابيعي رەسۋرستار ءمينيسترى ەرلان نىسانباەۆ باياندادى. قازاقستاندا ەرەكشە قورعالاتىن تابيعي اۋماقتار جەلىسى 35 جىل ىشىندە 869 مىڭ گەكتاردان 30,9 ملن گەكتارعا دەيىن كەڭەيتىلدى. جانۋارلاردىڭ سيرەك كەزدەسەتىن تۇرلەرىن, سونىڭ ىشىندە بارىستى قورعاۋ جانە تۇران جولبارىسى مەن پرجەۆالسكي جىلقىسى سياقتى جويىلىپ كەتكەن تۇرلەردى قالپىنا كەلتىرۋ جۇمىستارى جۇرگىزىلۋدە. قازىرگى ۋاقىتتا كيىكتىڭ سانى رەكوردتىق 4,1 ملن باسقا جەتتى, ودان ءارى ءوسۋ كۇتىلىپ وتىر. تابيعاتتى قورعاۋ شارالارىن نىعايتۋ ماقساتىندا بيوارتۇرلىلىكتى ساقتاۋ تۇجىرىمداماسى ازىرلەنۋدە, سونداي-اق «تازا قازاقستان» باستاماسى شەڭبەرىندە ەكولوگيالىق مادەنيەتتى نىعايتۋ بويىنشا جۇمىستار اتقارىلىپ جاتىر.
ەلىمىز اوك-دە استىق پەن ۇن ەكسپورتىنداعى ۇستانىمىن نىعايتۋدى جالعاستىرىپ, تەرەڭ وڭدەۋ قۋاتىن ارتتىرادى. الداعى 3 جىلدا 1,5 مىڭ جۇمىس ورنىن اشاتىن جالپى قۇنى $560 ملن-دى قۇرايتىن 3 ءىرى جوبا ىسكە قوسىلادى.
پرەمەر-مينيستر ءوز سوزىندە مەملەكەت باسشىسى اتاپ وتكەن باعىتتار بويىنشا ساپالى جانە جەدەل جۇمىس ىستەۋ قاجەتتىگىن اتاپ ءوتتى. مينيسترلىكتەر مەن اكىمدىكتەرگە بىرقاتار تاپسىرمالار بەرىلدى.
سالىق رەفورماسى شەڭبەرىندە تۇزەتۋلەردىڭ ءبىرىنشى پاكەتى پارلامەنت ءماجىلىسىنىڭ قاراۋىنا ەنگىزىلدى.
«كەيبىر ماسەلەلەردى تۇبەگەيلى شەشۋگە مۇمكىندىك بەرەتىن قوسىمشا ۇسىنىستار ازىرلەندى. بۇل رەتتە ءبىز بيۋدجەت قاراجاتىن وڭتايلى جۇمساۋعا جانە رەسپۋبليكالىق بيۋدجەتتىڭ كىرىس بولىگىن قامتاماسىز ەتۋگە بارىنشا كوڭىل ءبولۋىمىز كەرەك», دەدى ولجاس بەكتەنوۆ. قارجى مينيسترلىگىنە جانە مۇددەلى مەملەكەتتىك ورگاندارعا ءتيىستى تاپسىرمالار بەردى.
تسيفرلىق دامۋ مينيسترلىگىنە مەملەكەتتىك ورگاندار مەن كۆازيمەملەكەتتىك سەكتوردا جاڭا تسيفرلى تەحنولوگيالاردى ەنگىزۋ جونىندەگى ءىس-شارالار جوسپارىن ازىرلەۋدى تاپسىردى. بۇل جۇمىسقا IT-مامانداردى تارتۋ قاجەت.
«مەملەكەت باسشىسى ۇكىمەتكە استانادان تورعاي ءوڭىرى ارقىلى ترانسكاسپي كولىك دالىزىنە شىعاتىن جاڭا اۆتوجول سالۋعا كىرىسۋدى تاپسىردى. كولىك مينيسترلىگى بۇرىن ازىرلەنگەن تەن مەن جسق-نى جەدەل جانداندىرىپ, قارجىلاندىرۋ كوزدەرىن انىقتاپ, بيىلدىڭ وزىندە قۇرىلىسقا كىرىسۋى قاجەت», دەدى پرەمەر-مينيستر.
اشم-گە استىقتى تەرەڭ وڭدەۋ جانە ەكسپورتتى دامىتۋ بويىنشا كەشەندى جوسپار ازىرلەۋ تاپسىرىلدى. ەترم ۇكىمەتكە تابيعي بيولوگيالىق ارتۇرلىلىكتى ساقتاۋ جونىندەگى حالىقارالىق قور قۇرۋ تۋرالى شەشىم جوباسىن ەنگىزۋى قاجەت. تۋريزم, مادەنيەت مينيسترلىگى وڭىرلەردىڭ اكىمدەرىمەن بىرلەسىپ, ءار وڭىردە تۋريستەر ءۇشىن تارتىمدىلىق نۇكتەلەرىن تانىمال ەتۋ شارالارىن پىسىقتاۋدى تالاپ ەتەدى. قازاقستاننىڭ تابيعي جانە مادەني بايلىعىنىڭ ۇلتتىق اتلاسىن قۇرۋ تاپسىرىلدى.
ءىىم مادەنيەت جانە اقپارات مينيسترلىگىمەن بىرلەسىپ 2025-2030 جىلدارعا ارنالعان زاڭ جانە ءتارتىپ يدەولوگياسىن ىلگەرىلەتۋ جونىندەگى تۇجىرىمدامانى پىسىقتاۋدى, سونداي-اق ناشاقورلىق پەن ەسىرتكى قىلمىسىنىڭ الدىن الۋ جونىندەگى تاياۋ كەزەڭگە ارنالعان جاڭا باعدارلامالىق قۇجاتتى ازىرلەۋدى تاپسىردى.
اتوم ەنەرگەتيكاسىن, تەاترلاردى, كينولاردى, عىلىمي قالالاردى دامىتۋ, ءبىلىم بەرۋ, مەديتسينالىق جانە سپورت نىساندارىن جاڭعىرتۋ بويىنشا بىرقاتار مىندەت جۇكتەلدى.
سونىمەن قاتار تجم مەن اكىمدىكتەرگە اۋقىمدى سۋ تاسقىنىنىڭ الدىن الۋ ءۇشىن قاجەتتى شارالار قابىلداپ, سونداي-اق احۋالعا تاۋلىك بويى مونيتورينگ جۇرگىزۋ تاپسىرىلدى.
