فوتو: تسم سپورتتى دامىتۋ ديرەكتسياسى
تۋريزم جانە سپورت مينيسترلىگى سپورتتى دامىتۋ ديرەكتسياسىنىڭ مالىمەتىنشە, قازاقستان قۇراماسىنىڭ ارۋلارى الەم چەمپيوناتى بارىسىندا 35 جەكپە-جەك وتكىزىپ (ەۋروپا - 16, ازيا - 10, افريكا - 4, وڭتۇستىك امەريكا - 2, سولتۇستىك امەريكا - 2, بەيتاراپ - 1), ونىڭ 26-سىندا جەڭىسكە جەتكەن.
2 جەكپە-جەكتە جەڭىس اۆتوماتتى تۇردە وتانداستىرىمىزعا بەرىلگەن.قازاقستان ايەلدەر قۇراماسى ءۇش التىن, ەكى كۇمىس, ءبىر قولا مەدەلمەن رەسەيدەن كەيىن ەكىنشى ورىنعا جايعاستى. ۇزدىك ۇشتىكتى 1 التىن, 2 كۇمىس, ەكى قولامەن تۇركيالىق قىزدار تۇيىندەدى.
سەربيانىڭ نيش قالاسىندا وتكەن حالىقارالىق دوداعا قازاقستان جانە وزبەكستان قۇرامالارى عانا بارلىق سالماقتا 12 بوكسشىسىن جارىسقا قوستى. ايتا كەتەيىك, الەم چەمپيوناتىندا كورشى ەل قۇراماسى 1 كۇمىس, 3 قولا جۇلدە ەنشىلەدى.
تارتىستى باسەكەلەردەن سوڭ قازاقستان ايەلدەر قۇراماسىندا تاريحي ناتيجە تىركەدى. ماسەلەن, 48 كەلىدە ەل نامىسىن قورعاعان نازىم قىزايباي قازاقستان بوكس تاريحىنداعى العاشقى 3 دۇركىن الەم چەمپيونى اتانىپ, ءار الەم چەمپيوناتىندا قازاقستان ءانۇرانىن ءبىرىنشى بولىپ شىرقاتقان بوكسى بولىپ وتىر.
الەم چەمپيوناتىنا العاش قاتىسقان 3 بوكسشىمىز جۇلدەگەرلەردىڭ قاتارىنا كىردى.
سايىستىڭ جۇلدە قورى:
1-ورىن - 100 مىڭ اقش دوللارى
2-ورىن - 50 مىڭ اقش دوللارى
3-ورىن - 25 مىڭ اقش دوللارى
شيرەك فيناليستەر - 10 مىڭ اقش دوللارىن قۇرادى.
