- مەنىڭشە, قازاقستاننىڭ كەمىندە ءتورت سالادا وراسان زور مۇمكىندىكتەرى بار. وسى سالالاردا ءبىز ءوز ەلىمىزدى قامتاماسىز ەتىپ قانا قويماي, ايماقتىق, ءتىپتى, جاھاندىق اۋقىمدا ىقپالىمىزدى جۇرگىزە الامىز. تسيفرلاندىرۋ ءىسى مەن جاساندى ينتەللەكت, كولىك تاسىمالى, ەنەرگەتيكا, اگروونەركاسىپ كەشەنى جانە ادام كاپيتالى نەگىز بولادى, - دەدى مەملەكەت باسشىسى.
پرەزيدەنتتىڭ پايىمداۋىنشا, قازاقستان تسيفرلاندىرۋ مەن جاساندى ينتەللەكتىنى قولدانۋ ىسىندە ەلىمىز زور جەتىستىككە جەتە الادى. قازاقستان قازىردىڭ وزىندە بۇۇ ەلەكتروندى ۇكىمەتتىڭ دامۋ دەڭگەيى جونىندەگى رەيتينگىندە 190 مەملەكەتتىڭ ىشىنەن العاشقى 25 ەلدىڭ قاتارىنا كىرىپ تۇر.
- بىراق, مۇنىمەن شەكتەلىپ قالۋعا ەش بولمايدى. جوعارى تەحنولوگيالار ەكونوميكانىڭ جانە مەملەكەتتى باسقارۋ ءىسىنىڭ بارلىق سالاسىن دامىتۋعا تىڭ سەرپىن بەرىپ, العا باستايدى. ۇكىمەت وزىق تسيفرلىق تاسىلدەردى جانە جاساندى ينتەللەكتىنى جاپپاي ەنگىزۋ ءۇشىن قولايلى ورتا قالىپتاستىرۋعا ارنالعان جۇمىستى ەسەلەپ كۇشەيتۋگە ءتيىس, - دەدى قاسىم-جومارت توقاەۆ.
