ەندى مىنا قىزىققا قاراڭىز. اعىلشىن تىلىندە «trail» ەتىستىگىنىڭ نەگىزگى ماعىناسى – «ارتىنان ىلەسۋ», ياعني لوگيكاعا ساي ترەيلەر ءفيلمنىڭ الدىندا ەمەس, سوڭىنان كورسەتىلۋى كەرەك ەدى. شىن مانىندە, 1912 جىلى العاش پايدا بولعان ترەيلەرلەر ءدال وسىلاي, فيلم اياقتالعاننان كەيىن كورسەتىلەتىن. بىراق كينووندىرۋشىلەر بۇل ءتاسىلدىڭ ءتيىمسىز ەكەنىن بايقادى, ويتكەنى كورەرمەندەردىڭ كوپشىلىگى فينالدىق تيترلاردان كەيىن زالدان شىعىپ كەتەتىن. وسىعان بايلانىستى ترەيلەرلەردى كينوسەانس باستالماس بۇرىن كورسەتۋ ءداستۇرى قالىپتاستى, بىراق تەرمين تىلىمىزدە وزگەرىسسىز قالدى.
