فوتو: اشىق دەرەككوز
ءمينيستردىڭ ايتۋىنشا, بيىل ناۋرىز جانە ءساۋىر ايلارى ادەتتەگىدەن جىلى بولادى دەپ كۇتىلەدى. سونىمەن قاتار, ەلىمىزدىڭ باسىم بولىگىندە جاۋىن-شاشىن مولشەرى كوپ تۇسەدى. بۇل كوكتەمنىڭ ەرتە كەلۋىنە جانە سۋ تاسقىنى قاۋپىنىڭ ارتۋىنا اسەر ەتەدى.
سۋ تاسقىنى قاۋپى جوعارى وڭىرلەردىڭ قاتارىندا: اقتوبە, قوستاناي, قاراعاندى, اقمولا, سولتۇستىك قازاقستان, شىعىس قازاقستان وبلىستارى جانە ۇلىتاۋ جانە اباي وبلىستارى بار.
قاۋىپتىلىگى ورتاشا وڭىرلەر: الماتى, جەتىسۋ, جامبىل, باتىس قازاقستان جانە اتىراۋ وبلىستارى.
تاسقىن قاۋپى تومەن وڭىرلەر: پاۆلودار, ماڭعىستاۋ, تۇركىستان جانە قىزىلوردا وبلىستارى.
«بيىل قازگيدرومەت العاش رەت ءار وبلىس بويىنشا ەگجەي-تەگجەيلى انىقتامالار دايىندادى. بۇل انىقتامالاردا گيدرولوگيالىق بەكەتتەر بويىنشا سۋ دەڭگەيىنىڭ جانە اعىسىنىڭ كۇتىلەتىن ەڭ جوعارى ماندەرى, اعىن كولەمى جانە سونداي-اق قاۋىپ ايماعىندا ورنالاسقان ەلدى مەكەندەردى كورسەتە وتىرىپ, بولجامدى باستالۋ كۇندەرى كورسەتىلەدى. سونداي-اق وتكەن اپتادان باستاپ قازگيدرومەت اپتا سايىنعى گيدرولوگيالىق بولجامداردى شىعارا باستادى. گيدرومەتەورولوگيالىق جاعداي كۇرت وزگەرەتىن بولسا «قازگيدرومەت» ەسكەرتۋلەردى 2-3 تاۋلىك بۇرىن حابارلايدى», دەدى ەرلان نىسانباەۆ.
