فوتو: ۆيدەودان الىنعان كادر
تاۋ شاڭعىسى كۋرورتىنىڭ اكىمشىلىگىنىڭ مالىمەتىنشە, كوشكىن قاۋىپسىزدىگى قىزمەتى ساعات 9:17-دە قار جامىلعىسىنىڭ توزىمدىلىگىن تەكسەرىپ, كومبي 2 ارقان جولىنىڭ اشىلۋىن راستاعان. بارلىق تراسسادان تىس سىرعاناۋ ايماقتارى ارنايى تورلارمەن قورشالىپ, «كوشكىن قاۋپى بار», «جابىق», «وتۋگە بولمايدى» دەگەن ەسكەرتۋ بەلگىلەرى قويىلعان.
الايدا, الدىن الا مالىمەت بويىنشا, ءۇش شاڭعىشى وسى بەلگىلەردى ەلەمەي, قورشاۋدان شىعىپ, قاۋىپتى ايماققا ءوتىپ كەتكەن. ناتيجەسىندە قار كوشكىنى ءجۇرىپ, قۇتقارۋ قىزمەتى دەرەۋ وقيعا ورنىنا جەتكەن. ىزدەۋ شارالارى بارىسىندا زارداپ شەككەندەر مەن قۇرباندار جوق ەكەنى انىقتالعان.
قازىرگى تاڭدا كۋرورتتىڭ قاۋىپسىزدىك قىزمەتى ەرەجەنى بۇزعان شاڭعىشىلاردى انىقتاپ, ىزدەۋ جۇمىستارىن جۇرگىزىپ جاتىر.
