فوتو: اشىق دەرەككوز
6 ناۋرىز كۇنى ساعات 11:00-دە زاعيپ جانە ناشار كورەتىن ازاماتتارعا ارنالعان مامانداندىرىلعان كىتاپحانادا «انامنىڭ ايالى الاقانى» ادەبي كەشى ۇيىمداستىرىلادى.
قازاق ۇلتتىق حورەوگرافيا اكادەمياسىندا دا بۇل كۇنى مەرەكەلىك كونتسەرت ۇيىمداستىرۋ جوسپارلانىپ وتىر.
سونىمەن قاتار وسى كۇنى 19:00-دە م. گوركي اتىنداعى مەملەكەتتىك اكادەميالىق ورىس دراما تەاترى جانە ۇلتتىق ۇلان بىرلەسىپ كورەرمەن نازارىنا ء«اليا» قويىلىمىن ۇسىنادى. ءدال وسى كۇنى ساعات 19:00-دە «جاستار» سارايىندا «ايەلدەرگە تاعزىم» اتتى حالىقارالىق ايەلدەر كۇنىنە وراي مەرەكەلىك كونتسەرت وتەدى.
6-8 ناۋرىز كۇندەرى بايقوڭىر اۋدانىنىڭ اكىمى تىل ەڭبەككەرلەرىن ارنايى ۇيىنە بارىپ, حالىقارالىق ايەلدەر كۇنىمەن قۇتتىقتايدى.
7-8 ناۋرىز ارالىعىندا سارايشىق اۋدانىندا كوممۋنالدىق قىزمەت ماماندارىنا قىزعالداق تاراتۋ ءىس-شاراسى وتەدى. سونىمەن قاتار قالا كوشەلەرىندە ەلوردانىڭ نازىك جاندىلارىنا قىزعالداق تاراتۋ ءىس-شاراسى ۇيىمداستىرىلادى. سونداي-اق «الجير» مەموريالدى-مۇراجاي كەشەنىندە ساعات 10:00-18:00 ارالىعىندا «انا – ءومىردىڭ گ ۇلى» كورمەسى وتەدى.
ال قۋىرشاق تەاترى 7 ناۋرىز ساعات 12:00-دە جانە 16:00-دە, 8-9 ناۋرىز ساعات 12:00-دە جانە 16:30-دا «ماۋگلي» ەرتەگىسىنىڭ قويىلىمىن ۇسىنادى.
ءا.مامبەتوۆ اتىنداعى مەملەكەتتىك دراما جانە كومەديا تەاترى 8 ناۋرىز كۇنى ساعات 19:00-دە «كەلىندەر كوتەرىلىسى» جانە 9 ناۋرىز ساعات 19:00-دە «كۇشىك كۇيەۋ» كومەديالارىن ۇسىنادى.
سول سياقتى مۋزىكالىق جاس كورەرمەن تەاترى 8 ناۋرىزدا ساعات 18.00-دە «تەاتر الەمى» مەرەكەلىك قويىلىمىن ۇسىنادى. سونىمەن قاتار, م. گوركي اتىنداعى مەملەكەتتىك اكادەميالىق ورىس دراما تەاترى مەرەكە كۇنى 18:00-گە «براك پو-يتاليانسكي» قويىلىمىن ازىرلەپ وتىر.
8 ناۋرىزدا «قازاقستان» ورتالىق كونتسەرت زالىندا مەرەكەلىك كونتسەرت, «جاستار» تەاترىندا «جانارىمداعى جالعىز اۋەن» تەاترلاندىرىلعان كونتسەرتتىك باعدارلاما وتەدى.
9 ناۋرىز كۇنى ساعات 17:00-دە ە.راحماديەۆ اتىنداعى مەملەكەتتىك اكادەميالىق فيلارمونياسىنىڭ كامەرالىق زالىندا قازاق وركەسترىنىڭ ءارتىسى, سىمقوبىزشى, مادەنيەت سالاسىنىڭ ۇزدىگى بوتاگوز ءتاشىموۆانىڭ «اسىل قازىنا» اتتى جەكە كونتسەرتى وتەدى.
