ەرسايىن قايىرعازى ۇلى ناعاسباەۆ 1980 جىلى 28 شىلدەدە قاراعاندى قالاسىندا تۋعان.
جوعارى ءبىلىمدى, ە.بوكەتوۆ اتىنداعى قاراعاندى مەملەكەتتىك ۋنيۆەرسيتەتىن «حالىقارالىق ەكونوميكالىق قاتىناستار» ماماندىعى بويىنشا تامامداعان.
2001 جىلدان بەرى مەملەكەتتىك قىزمەتتە, ەڭبەك جولىن تەمىرتاۋ قالاسى اكىمىنىڭ اپپاراتىندا باستادى. قر سىرتقى ىستەر, كولىك جانە كوممۋنيكاتسيا مينيسترلىكتەرىندە ءتۇرلى قىزمەتتەردى اتقاردى. ۆيتسە-پرەمەردىڭ كەڭەسشىسى بولدى. «اقتاۋ حالىقارالىق پورتى» رمك-دا جۇمىس ىستەدى, قاراعاندى قالاسى قازىبەك بي اتىنداعى اۋدان اكىمىنىڭ ورىنباسارى, قاراعاندى وبلىسى اكىمىنىڭ كەڭەسشىسى بولعان.
كەيىن «قازاقستان تەمىر جولى» ۇلتتىق كومپانياسىندا باسقارۋشى ديرەكتور قىزمەتىن اتقاردى.
بۇعان دەيىن ونەركاسىپ جانە قۇرىلىس ءمينيسترى قىزمەتىن قانات شارلاپاەۆ اتقارعان ەدى. بۇگىن ول پرەزيدەنتتىڭ كومەكشىسى بولىپ تاعايىندالدى.
