فوتو: ۇكىمەتتىڭ ءباسپاسوز قىزمەتى
«قازاقستان قورمەن 30 جىلدان استام ۋاقىت جەمىستى ىنتىماقتاستىق ورناتىپ, ايرىقشا قولداۋعا يە بولدى. ءبىزدىڭ حۆق-مەن ۇزاقمەرزىمدى ارىپتەستىگىمىز ەكونوميكالىق تۇراقتىلىقتى قامتاماسىز ەتىپ, قازاقستان ەكونوميكاسىنىڭ ساپالى ءارى ورنىقتى ءوسۋى ءۇشىن وتە ماڭىزدى», دەدى. سەرىك جۇمانعارين.
كەزدەسۋگە قاتىسۋشىلار قۇرىلىمدىق رەفورمالاردى جۇزەگە اسىرۋ, سالىق-بيۋدجەت ساياساتىن جەتىلدىرۋ جانە ۇلتتىق قارجى نارىعىن دامىتۋعا باعىتتالعان جوبالاردىڭ وڭ ناتيجەلەرىن اتاپ ءوتتى. بۇل جوبالاردى ىسكە اسىرۋ بارىسىندا حۆق-نىڭ تاجىريبەسى مەن ۇسىنىمدارى ەسكەرىلگەنى ايتىلدى.
سونىمەن قاتار 2021 جىلدان بەرى الماتىدا جۇمىس ىستەپ كەلە جاتقان حۆق-نىڭ كاۆكاز, ورتالىق ازيا جانە موڭعوليا الەۋەتىن دامىتۋ جونىندەگى وڭىرلىك ورتالىعىنىڭ وڭىرلىك ىنتىماقتاستىقتى نىعايتۋعا قوسقان ەلەۋلى ۇلەسى ەرەكشە اتاپ ءوتىلدى.
سونداي-اق ۆيتسە-پرەمەر مەن ميسسيا باسشىسى مەملەكەتتىڭ ەكونوميكالىق ناقتى سەكتورىن قارجىلاندىرۋ, بيۋدجەت-سالىق رەفورماسىن ىسكە اسىرۋ جونىندەگى جوسپارلارىن, سونداي-اق ءوزارا ءىس-قيمىلدىڭ باسقا دا اسپەكتىلەرىن تالقىلادى.
