فوتو: polisia.kz
كۇدىكتى تەحنيكا مەن اۆتوكولىك ساتىپ الۋ, ۇيالى تەلەفون ساتۋ, تاۋارلىق نەسيەنى قولما-قول اقشاعا اينالدىرۋ جانە اقشانى كوبەيتۋ سياقتى جەلەۋلەردى پايدالانىپ, ادامداردىڭ سەنىمىنە كىرگەن.
«ماسەلەن, 2023 جىلدىڭ قازان ايىندا ول ورال قالاسىنىڭ ءبىر تۇرعىنىن تاۋارلىق نەسيەنى قولما-قول اقشاعا اينالدىرۋ سىلتاۋىمەن 4 ميلليون تەڭگەدەن استام قارجىعا الداپ كەتكەن. سونداي-اق ءساۋىر مەن قازان ايلارى ارالىعىندا تاعى ءبىر قالا تۇرعىنىنا تۇرمىستىق تەحنيكا جەتكىزىپ بەرەمىن دەپ, 4,5 ميلليون تەڭگەدەن استام شىعىن كەلتىرگەن», دەلىنگەن حابارلامادا.
تەرگەۋ بارىسىندا الاياقتىڭ قۇرباندارى نەگىزىنەن ءوز تانىستارى ەكەنى انىقتالعان. قازىرگى ۋاقىتتا كۇدىكتىگە قاتىستى 14 الاياقتىق دەرەگى بويىنشا تەرگەۋ امالدارى جۇرگىزىلىپ جاتىر.
«كەلتىرىلگەن جالپى شىعىن كولەمى 78 ميلليون تەڭگەدەن اسادى. ۇستالعان ازامات ۋاقىتشا ۇستاۋ يزولياتورىنا قامالىپ, ءوز كىناسىن مويىندادى. ول الداپ العان قاراجاتتىڭ باسىم بولىگىن ءباس تىگۋگە جۇمساعانىن ايتقان», دەلىنگەن حابارلامادا.
