مەملەكەت باسشىسى جەدەلحاتتاردا حالىقارالىق قاۋىمداستىق ساۋد ارابياسىن ەكونوميكاسى قارقىندى دامىعان, ىرگەسى بەرىك, بەدەلدى مەملەكەت رەتىندە تانيتىنىن جازعان. سونداي-اق كورولدىك قازاقستاننىڭ يسلام جانە اراب الەمىندەگى سەنىمدى ءارى ماڭىزدى سەرىكتەستەرىنىڭ ءبىرى ەكەنىن اتاپ وتكەن.
قاسىم-جومارت توقاەۆ ەكى ەل اراسىنداعى مازمۇندى ساياسي ديالوگقا نەگىزدەلگەن ىنتىماقتاستىق الداعى ۋاقىتتا دا ساۋدا-ەكونوميكالىق جانە مادەني-گۋمانيتارلىق بايلانىستاردىڭ قارقىندى دامۋىنا سەرپىن بەرەتىنىنە سەنىم ءبىلدىردى.
قازاقستان پرەزيدەنتى ساۋد ارابياسىنىڭ كورولى مەن تاق مۇراگەرىنىڭ جاۋاپتى قىزمەتتەرىنە تولاعاي تابىس, حالقىنا قۇت-بەرەكە تىلەدى.
