فوتو: ۇكىمەتتىڭ ءباسپاسوز قىزمەتى
«بايتەرەك» ۇبح باسقارما توراعاسى رۋستام قاراعويشين ەكونوميكانىڭ شيكىزاتتىق ەمەس سەكتورىن جالپى قۇنى 4,09 ترلن تەڭگەگە قارجىلاندىرۋ بويىنشا قابىلدانعان شارالار تۋرالى باياندادى.
«وتكەن جىلمەن سالىستىرعاندا قولداۋ كولەمى 52%-عا ارتتى. بارلىعى 58 مىڭعا جۋىق كۆازيمەملەكەتتىك سەكتور سۋبەكتىلەرىنە جاتپايتىن جەكە كومپانيالار مەن ۇيىمدار قامتىلدى. مەملەكەتتىك قولداۋ شارالارىن ارتتىرۋ ناتيجەسىندە وڭىرلەردە 6 مىڭنان استام جاڭا جۇمىس ورنى اشىلدى. وندىرۋشىلەر 7,3 ترلن تەڭگەنىڭ ءونىمىن شىعاردى جانە قىزمەت كورسەتتى. سونداي-اق ەكسپورت كولەمى ۇشتەن ءبىر ەسەگە ارتىپ, 1,046 ترلن تەڭگەدەن استى», دەلىنگەن حابارلامادا.
سونىمەن قاتار, ەلىمىزدىڭ اگروونەركاسىپ كەشەنىن دامىتۋعا ەرەكشە كوڭىل ءبولىنىپ جاتىر. وسىلايشا, حولدينگ قۇرالدارى جانە ونىڭ قۇرىلىمدارى ارقىلى شارۋالار 10,5 مىڭ دانادان استام اۋىل شارۋاشىلىعى تەحنيكاسى مەن قۇرال-جابدىقتارىن ساتىپ العان.
سونداي-اق كوكتەمگى ەگىس جانە جيىن-تەرىم جۇمىستارىن نارىق جاعدايىندا وبليگاتسيالىق قارىزداردى تارتۋ ەسەبىنەن قارجىلاندىرۋ باعدارلاماسى ىسكە قوسىلدى. «جاسىل» ەكونوميكانى دامىتۋ ماقساتىندا ەنەرگەتيكا سالاسىندا قۇنى 14,5 ملرد تەڭگەنى قۇرايتىن 3 جوبا قولداۋ تاپقان.
پرەمەر-مينيسترگە «بايتەرەك» ۇبح» اق كومپانيالار توبىنىڭ تاۋارلارىن, جۇمىستارى مەن قىزمەتتەرىن ساتىپ الۋداعى ىشكى قۇن ۇلەسىن ارتتىرۋ بويىنشا قابىلدانىپ جاتقان شارالار تۋرالى باياندالدى.
«جۇمىستاردا ۇلەس 2023 جىلى 97,9%-دان 2024 جىلى 99,9%-عا دەيىن, قىزمەتتەردە 94%-دان 96%-عا دەيىن, تاۋارلاردا 3%-دان 48%-عا دەيىن وسكەن. «بايتەرەك» ۇبح» اق كومپانيالار توبى بويىنشا وتكەن جىلى ساتىپ الۋدىڭ جالپى كولەمى 54 ملرد تەڭگەنى قۇرادى. بۇل رەتتە وتاندىق وندىرۋشىلەردەن 46 ملرد تەڭگەگە نەمەسە 85%-عا تاۋارلار مەن جۇمىستار جانە كورسەتىلەتىن قىزمەتتەر ساتىپ الىندى», دەلىنگەن حابارلامادا.
