فوتو: اشىق دەرەككوز
دەپۋتاتتىڭ پىكىرىنشە, ۋكراينا تاراپى كقك-نىڭ قازاقستان مۇنايىن تاسىمالداۋداعى ستراتەگيالىق ماڭىزىن جاقسى بىلگەنى انىق.
«كقك-عا جاسالعان شابۋىل – بۇل حالىقارالىق كونسورتسيۋمعا سوققى, ونىڭ قۇرامىندا ءىرى امەريكالىق جانە ەۋروپالىق كومپانيالار بار. ولار دا ۋكراين اسكەرىنىڭ بۇل ارەكەتىنەن تىكەلەي شىعىنعا ۇشىراپ وتىر», دەپ جازدى مارات باشيموۆ Facebook-تەگى پاراقشاسىندا.
بۇل رەتتە ماجىلىسمەن ۋكراينا ۇستانىمىنىڭ ەكىجۇزدىلىگى بايقالاتىنىن اتاپ ءوتتى.
ء«بىر جاعىنان ولار اقش پەن ەۋروپادان اسكەري جانە باسقا دا كومەك سۇرايدى, ال ەكىنشى جاعىنان – ولاردىڭ ەكونوميكالىق مۇددەلەرىنە سوققى جاسايدى. ەڭ باستىسى – قازاقستانعا قاتىستى مۇنداي اگرەسسيانىڭ سەبەبى تۇسىنىكسىز. ءبىزدىڭ ەلىمىز رەسەي مەن ۋكراينا اراسىنداعى قاقتىعىس باستالعاننان بەرى بەيتاراپ پوزيتسيانى ۇستانىپ, بەيبىت شەشۋدى جاقتادى, دەپ جازدى م.باشيموۆ.
سونداي-اق ول ەكى ەل اراسىنداعى ديپلوماتيالىق بايلانىستار ءبىر ساتكە دە ۇزىلمەگەنىن تىلگە تيەك ەتتى.
«سونىمەن قاتار, بۇكىل الەم قازاقستان پرەزيدەنتى قاسىم-جومارت توقاەۆتىڭ سانكت-پەتەربۋرگ فورۋمىندا دحر مەن لحر-دى مويىندامايتىنىن اشىق مالىمدەگەنىن كوردى. ءبىز بىرنەشە رەت بۇۇ وكىلدەرىن شاقىرا وتىرىپ, بەيبىت كەلىسسوزدەر الاڭى بولۋعا دايىن ەكەنىمىزدى بىلدىردىك. وسىعان بايلانىستى كقك-نا جاسالعان شابۋىل قازاقستان مەن ۋكراينا اراسىنداعى قارىم-قاتىناسقا ايتارلىقتاي زيان كەلتىرەدى», دەدى ماجىلىسمەن.
بۇل رەتتە ول قازاقستان ۋكراينادان ەلىمىزدىڭ مۇددەلەرىنە قارسى جاسالعان بۇل ارەكەتى ءۇشىن رەسمي تۇسىنىكتەمە تالاپ ەتۋى كەرەك ەكەنىن اتاپ ءوتتى. سونداي-اق حالىقارالىق نىسانعا جاسالعان شابۋىلعا كىنالىلەردى جاۋاپقا تارتۋ ءۇشىن بارىنشا قاتاڭ جانە ءپرينتسيپتى شارالاردى قولدانۋ قاجەت ەكەنىن دە باسا ايتتى.
