سۋرەت: centralasia.media
قازا بولعان ءاربىر كەنشىنىڭ بالالارى بارىن ەسكەرە وتىرىپ, ولاردىڭ وتباسىلارىنا اسىراۋشىسىنان ايىرىلۋ جاعدايى بويىنشا مەملەكەتتىك الەۋمەتتىك جاردەماقى تاعايىندالادى. جاردەماقى مولشەرى قايتىس بولعان اسىراۋشىسىنىڭ اسىراۋىنداعى ادامداردىڭ سانىنا جانە ەڭ تومەنگى كۇنكورىس دەڭگەيىنە بايلانىستى.
جاردەماقىنىڭ بۇل ءتۇرى 8 جاسقا دەيىنگى بالاسى بار جۇمىسسىز ءۇش اناعا دا بەرىلەدى.
قازا تاپقان كەنشىلەردىڭ بارلىعى مىندەتتى الەۋمەتتىك ساقتاندىرۋ جۇيەسىنىڭ قاتىسۋشىلارى بولعاندىقتان, ولاردىڭ وتباسىنا مەملەكەتتىك جاردەماقىدان بولەك, اسىراۋشىسىنان ايىرىلۋ جاعدايى بويىنشا ماسق-دان الەۋمەتتىك تولەمدەر تاعايىندالادى.
وسىلايشا, اسىراۋىنداعى ءبىر ادام ءۇشىن بيۋدجەتتەن تولەنەتىن جاردەماقى مولشەرى – 42 530 تەڭگەنى, ال ماسق-دان تولەنەتىن تولەمدەر – 141 523 تەڭگەنى, اسىراۋىندا بەس ادام بولسا, جاردەماقى مولشەرى – 127 127 تەڭگەنى جانە ماسق-دان تولەنەتىن تولەمدەر 335 017 تەڭگەنى قۇرايدى.
قولدانىستاعى زاڭناماعا سايكەس, تولەمدەر بالالارى 18 جاسقا تولعانعا دەيىن, ال ولار جوعارى وقۋ ورىندارىندا كۇندىزگى بولىمدە وقىعان جاعدايدا 23 جاسقا دەيىن تولەنەدى.
سونداي-اق قازا تاپقان كەنشىلەر وتباسىلارىنىڭ بارلىعى «بجزق» اق-دان 369 608 تەڭگە (94 اەك) مولشەرىندە جەرلەۋگە ارنالعان بىرجولعى تولەم الۋعا قۇقىلى.
سونىمەن قاتار جۇمىس بەرۋشى كومپانيا قازا تاپقانداردىڭ وتباسىلارىنا ۇجىمدىق شارتتا كوزدەلگەن بارلىق قاجەتتى كومەكتى كورسەتەدى:
- جەرلەۋ ءراسىمىن ۇيىمداستىرۋ ءۇشىن 550 اەك مولشەرىندە تولەمدەر (2 162 600 تگ);
- قايتىس بولعان ادامنىڭ وتباسىنا جىلدىق ورتاشا جالاقىنىڭ 10 ەسەلەنگەن مولشەرىندە تولەم. ورتاشا العاندا بۇل – 84 ملن-نان 124 ملن تەڭگەگە دەيىن;
- اسىراۋشىسىنان ايىرىلۋ بويىنشا اي سايىنعى تولەمدەر;
- بالالاردىڭ وقۋ اقىسىن تولەۋ;
- قازا تاپقان جۇمىسشىلاردىڭ نەسيەلەرى مەن قارىزدارىن وتەۋ.
