كەلۋشىلەر VR كوزىلدىرىك ارقىلى 1930 جىلدارداعى بۇلاق اۋىلىنداعى ء اليانىڭ اكە-شەشەسى نۇرمۇحامەد سارقۇل ۇلى پەن مارجان مولداعۇلقىزىنىڭ ءۇيىن كورە الادى. مۇندا حح عاسىر باسىنداعى اۋىلدىڭ قام كىرپىشتەن سوعىلعان ۇيلەرىن, شارۋاشىلىق زاتتارىن, ادامدارىنىڭ تۇرمىسىن, تۇتىنعان دۇنيەلەرىن كورۋگە بولادى. ەكسكۋرسييا جۇرگىزۋشىسىنىڭ ورنىنا قويىلعان پرومۋتەر كەلۋشىلەرگە بەس تىلدە اقپارات بەرەدى. سونداي-اق مۋزەي تورىندە ءاليانىڭ جاۋىنگەرلىك كيىمدەرى, مايداننان جازىلعان حاتتارى, اسكەري بيلەتى, لەنينگرادتاعى بالالار ءۇيىءنىڭ, مەرگەندەر مەكتەبىنىڭ تاريحي فوتولارى, باتىر تۋرالى ءار جىلدارى جارىققا شىققان كىتاپتار مەن تۇسىرىلگەن فيلمدەر قويىلعان.
1987 جىلى سالىنعان ءاليا مولداعۇلوۆانىڭ مەموريالدى مۋزەيىندە 11 مىڭنان استام ەكسپونات بار. مەكەمە ديرەكتورى جانار ماقسۇتوۆانىڭ ايتۋىنشا, قور جازعا دەيىن تاعى دا جاڭا دەرەكتەرمەن تولىعادى. بيىل كەڭەستەر وداعىنىڭ باتىرى ءاليا مولداعۇلوۆانىڭ تۋعانىنا 100 جىل. ول 1925 جىلدىڭ ماۋسىمىندا قوبدا اۋدانى بۇلاق اۋىلىندا دۇنيەگە كەلىپ, 1944 جىلدىڭ 14 قاڭتارىندا پسكوۆ وبلىسى نوۆوسوكولنيكي اۋدانىندا ەرلىكپەن قازا تاپتى.
