فوتو:اشىق دەرەككوز
اتىراۋ وبلىستىق ەكولوگيا دەپارتامەنتىنىڭ باسشىسى اسقار ءجۇسىپوۆتىڭ ايتۋىنشا, ەكولوگيالىق زاڭنامانى بۇزاتىندار قاتارىندا اتىراۋ مۇناي وڭدەۋ زاۋىتى, «تەڭىزشەۆرويل», NCOC, «قوجان», «كاسپي نەفت» سەكىلدى كومپانيالار بار.
«مۇنايلى وڭىردە ءىرى ونەركاسىپتىك كاسىپورىندار از ەمەس. مۇنداي كاسىپورىنداردىڭ جۇمىسى قورشاعان ورتا تازالىعىنا كەرى اسەر ەتەدى. وسىعان بايلانىستى ەكولوگيالىق زاڭنامانىڭ ساقتالۋىن قاتاڭ باقىلاۋدا ۇستايمىز. بىلتىر جۇرگىزىلگەن تەكسەرۋلەردىڭ ناتيجەسىندە بىرقاتار كاسىپورىننىڭ قورشاعان ورتاعا تيگىزەتىن تەرىس اسەرىنىڭ الدىن الۋ ءۇشىن اكىمشىلىك شارالار قولدانىلدى. ەكولوگيالىق زاڭنامانى بۇزعان كاسىپورىندارعا قاتىستى 200-دەن استام اكىمشىلىك ءىس قوزعالدى. جالپى سوماسى 42 ملرد تەڭگەنىڭ ايىپپ ۇلى سالىندى. ايىپپۇلدىڭ 26 ملرد تەڭگە مەملەكەت پايداسىنا ءوندىرىلدى», دەپ حابارلادى اسقار ءجۇسىپوۆ.
