فوتو: اشىق دەرەككوز
ايتا كەتەيىك, شەرۋ 7 مامىردا استانادا «قازاق ەلى» مونۋمەنتىنىڭ جانىنداعى تاۋەلسىزدىك الاڭىندا وتەدى دەپ جوسپارلانعان.
شەرۋ ءۇش كەزەڭنەن تۇرادى:
- ءبىرىنشى كەزەڭ – تاريحي جانە زاماناۋي بولىكتەردەن تۇراتىن پارادتىق بولىمشەلەردىڭ مارشى;
- ەكىنشى كەزەڭ – تاريحي جانە زاماناۋي بولىكتەردەن تۇراتىن مەحانيكالاندىرىلعان كولوننالاردىڭ مارشى;
- ءۇشىنشى كەزەڭ – ۇشاقتاردىڭ ۇشۋى.
«بۇل شەرۋدىڭ ەرەكشەلىگى – بىزدە سوعىس جىلدارىنداعى (سول كەزدەگى – رەد.) اسكەري قىزمەتشىلەر ساپ تۇزەپ, قازاقستان اۋماعىندا قۇرىلعان اسكەري بولىمدەردىڭ جاۋىنگەرلىك تۋلارى العاش رەت الاڭنان وتەدى. بۇل 23 بولىمشە مەن بريگادا. مۇراجايىمىزدا ساقتاۋلى تۇرعان جەڭىس تۋىنىڭ كوشىرمەسى ت-34 تانكىندە تاسىمالدانادى», دەدى ۆيتالي اداموۆيچ.
سونداي-اق ول جەڭىستىڭ 80 جىلدىعىنا وراي 42 مىڭ ادامعا مەرەيتويلىق مەدال تابىستاۋ جوسپارلانىپ وتىرعانىن ايتتى. ول ەڭ الدىمەن ۇلى وتان سوعىسىنىڭ ارداگەرلەرى مەن تىل ەڭبەككەرلەرىنە ارنالعان.
«ونى جۇزەگە اسىرۋعا 2,5 ميلليارد تەڭگەگە جۋىق قاراجات جوسپارلانعان. بۇل جانار-جاعارمايعا, قوسالقى بولشەكتەرگە, ىسساپارعا جانە اسكەر قوزعالىسىنا, كيىم تىگۋگە بايلانىستى شىعىندار», دەدى ۆيتالي اداموۆيچ.
بۇعان دەيىن, ەلىمىزدە جەڭىستىڭ 80 جىلدىعىن مەرەكەلەۋ اياسىندا سوعىس ارداگەرلەرىنە 5 ميلليون تەڭگە كولەمىندە قاراجات اۋدارىلاتىنى بەلگىلى بولعان ەدى.
