فوتو: «سپورت شرەدينگەرا» Telegram ارناسى
اقپاراتتى ءالىمحان ۇلىنىڭ مۇددەسىن قورعايتىن امەريكالىق Top Rank پروموۋتەرلىك كومپانياسى راستادى.
31 جاستاعى كاسىپقوي بوكسشى جانىبەك ءالىمحان ۇلى (16-0, 11 كو) IBF جانە WBO تۇجىرىمدارى بويىنشا ورتا سالماقتاعى تيتۋلدى قورعايدى. ول 2017 جىلدان بەرى العاش رەت ءوز ەلىندە شارشى الاڭعا شىعادى.
29 جاستاعى نگاميسسەن مانسابىندا العاش رەت 12 راۋندتىق ەرەجە بويىنشا جۇدىرىقتاسادى. ول ESPN-ءنىڭ ورتا سالماق رەيتينگىندە ۇزدىك وندىققا كىرگەنىمەن, جوعارى دەڭگەيدەگى قارسىلاستارمەن ءالى كەزدەسپەگەن. نگاميسسەنگە سوڭعى جەكپە-جەگىندە 2024 جىلدىڭ ماۋسىم ايىندا ساندرو دجادجانيدزەنى (12-32-2) ءۇشىنشى راۋندتا تەحنيكالىق نوكاۋتپەن جەڭگەن ەدى.
جەكپە-جەكتى ۇيىمداستىرۋمەن قازاقستاندىق Nomad Promotions كومپانياسى اينالىسۋدا. ال كەزدەسۋدى ESPN+ پلاتفورماسى ارقىلى كورۋگە بولادى.
