بيىل قاي ءوڭىردىڭ جولدارىنا جوندەۋ جۇرگىزىلەتىنى ايتىلدى

«جوندەۋ جۇرگىزىلمەگەنىنە 30 جىلدان 50 جىلعا دەيىن بولعان جولدار, پەتروپاۆل - جەزقازعان (703 شاقىرىم), قاندىاعاش - شالقار (246 شاقىرىم), جاڭاوزەن - تۇرىكمەنستان شەكاراسى (156 شاقىرىم), قاراعاندى - اياگوز - بوعاس (452 شاقىرىم) تولىق جوندەۋدەن وتەدى. جاڭا جوبالار بويىنشا قۇرىلىس ماۋسىمى باستالعانعا دەيىن مەردىگەرلەردى انىقتاۋ ءۇشىن كونكۋرستىق راسىمدەر وتكىزىلەدى. 2025 جىلدىڭ قورىتىندىسى بويىنشا رەسپۋبليكالىق جولداردىڭ نورماتيۆتىك جاعدايى 94%-دى, ال جەرگىلىكتى جولداردا - 91%-دى قۇرايدى», دەدى مينيستر.

وتكەن جىلدارى باستالعان ۇزىندىعى 1,08 مىڭ شاقىرىم جوبالاردىڭ: قالباتاۋ - مايقاپشاعاي (405 شاقىرىم), كۇرتى - قوناەۆ (67 شاقىرىم), قىزىلوردا - جەزقازعان (398 شاقىرىم) جانە ۇزىناعاش - وتار (42 شاقىرىم) قۇرىلىسى جالعاسىپ جاتىر.

مينيستر مەردىگەرلەردى تاڭداۋ كەزىندە وتاندىق كومپانيالارعا نەمەسە شەتەلدىك ارىپتەستەردىڭ قاتىسۋىمەن كونسورتسيۋمعا ارتىقشىلىق بەرىلەتىنىن, بۇل وتاندىق قۇرىلىس سەكتورىنىڭ ودان ءارى تۇراقتى دامۋىنا ىقپال ەتەتىنىن اتاپ ءوتتى.